Huwaw gipangandaman sa Dalaguete

CEBU, Philippines — Gitataw sa mayor sa Lungsod sa Dalaguete nga aduna pa silay igong suplay sa tubig taliwala sa nasinati nga huwaw karong panahona. Matud ni Mayor Roland Allan Cesante nga nakita nila nga adunay epekto ang weak El Niño sa suplay sa tubig sa ilang lugar. Dugang niya nga padayon nilang gi-monitor ang mga tinubdan sa ilang tubig ug ang ilang mga pananom sa kabukiran ilabi nga naila ang ilang lungsod isip “vegetable basket” sa lalawigan.

Matud ni Cesante nga adunay giandam nga resolusyon alang sa pagdeklarar unya og state of preparedness ug isumiter kini sa Sangguniang Bayan kon magkagrabe na ang epekto sa huwaw, aron magamit ang ilang disaster fund nga moabot og P12 milyones. Samtang karong adlawa, morekomendar ang Provincial Disaster Risk Reduction and Management Office atol sa sesyon sa Hunta Probinsiyal karong adlawa alang sa pag-deklarar sa tibuok Lalawigan sa Sugbo ubos sa state of calamity tungod sa epekto sa El Niño. (/DILT)(BANATNEWS)