Villar padayong mitabang sa mga kooperatiba

CEBU, Philippines — Mipasalig si Senadora Cynthia Villar nga padayon ang iyang paninguha sa pagpasar og mga balaudnon nga makahatag og benepisyo ngadto sa mga kooperatiba.

Si Villar namahayag nga aron masulbad ang padayong problema sa kakabus sa nasud, ilabi na ang mga mag-uuma, mao nga angay nga suportahan ang sektor sa agrikultura

Kini ang iyang gipamulong atol sa ika-walo nga Representative Assembly ug ika-28 nga Annual Assembly sa LAMAC Multi-Purpose Cooperative sa Lungsod sa Pinamungajan kagahapon.

Ang LAMAC usa sa mga gipasidunggan sa Villar Social Institute for Poverty Alleviation and Governance isip Outstanding Community Enterprise sa tuig 2015. 

Matud pa ni Villar nga ang maong kooperatiba usa sa mga driving forces sa pag-promote sa cooperativism sa tibuok nasud. Dugang pa sa senadora nga ang mga kooperatiba sama sa LAMAC, partner kini sa gobyerno ug sa mga private sectors aron sa pagpa-usbaw sa “growth and development” sa nasud. (/DILT)(BANATNEWS)