Negros Oriental ipaubos sa red alert status
Camille L. Pateres (Banat) - March 24, 2019 - 12:00am

CEBU, Philippines — Isang-at ngadto sa red alert status ang tibuok Lalawigan sa Negros Oriental sugod ugmang adlawa isip pagpangandam sa ika-50 nga anibersaryo sa New People’s Army karong Marso 29, human nakadawat og hulga ang kapolisan gikan sa maong grupo nga mang- harass na usab.

Ang direktor sa Police Regional Office-7 nga si Police Chief Superintendent Debold Sinas mibutyag nga usa ka semana nga anaa sa red alert status ang kapolisan sa Negros Oriental ilabi na sa mga lugar diin notado nga adunay daghang sakop sa NPA nunot sa maong report.

“We received report na they will make harassment in line with their anniversary on March 29. Kabalo man ka basta anniversary nila mohimo-himo sila og mga gimmick nga ipaulaw (pakauwawan) ang mga estasyon,” sigon ni Sinas. Giingong dugangan nila ang pwersa sa mga estasyonan sa polis sa NegOr aron malikayan nga ma-overrun sila sa maong mga grupo.

“We will be reinforcing our police stations, we will be alerting it and declare para hulaton namo if naa bay mahitabo. We will be having offensive, kanang magpatrolya nato para maka-pepare, di na namo sila huwaton nga moadto sa among estasyon diba?,” dugang sa maong direktor. Samtang, si Lieutenant General Noel Clement, komander sa AFP-Central Command, mibutyag nga wala pa nila gisang-at ang ilang alert status apan giingong andam na sab ang ilang pwersa alang sa maong kalihukan sa NPA.

“I have directed all my units to be pro-active by conducting patrols, gather intel information on enemy plans and engage stakeholders to prevent the NPA from celebrating for 50 years of extortion and destroying the lives of the people,” tug-an ni Clement.

Ang tigpamaba sab sa AFP-CENTCOM nga si Major Abel Potutan nanawagan sa kooperasyon sa publiko aron mapakgang na ang NPA.

“Amo lang gipanawagan ang atong mga kaigsuonan nga maging vigilant ug padayon silang mag-cooperate ug mo-participate sa mga security forces sa pagsumbong ug pagreport sa ilahang namatikdang dili maayo o suspicious sa ilang lugar,” sigon ni Potutan.

Kahinumduman nga pipila ka higayon na nga gi-harrass ang mga polis sa mga gituohang miyembro sa NPA. Niadtong Disyembre 19, 2018 sa Brgy. Poblacion, Guihulngan City, gipusil  sa nagpailang mga sakop sa Special Partisan Unit (SPARU) sa NPA ang deputy chief sa Guihulngan City Police Station nga si Police Senior Inspector Porferio Gabuya Jr. kinsa nangape atol sa hitabo. Niadtong Marso 7, 2019, si Senior Police Officer 2 Humprey Teves nakaengkwentro og upat ka mga sakop sa SPARU human siya gihulga nga patyon kon dili itahan ang iyang armas, samtang kini nangumpra sa merkado sa Brgy. Bantolinao sa Lungsod sa Manjuyod.

Imbes nga itahan ang iyang armas, nakigpinusilay ang polis hinungdan nga nakalas ang usa ug nakaikyas ang tulo ka giingong sakop sa SPARU. Nunot sa giingong pang-harass sa maong grupo, dili lang sa mga polis apan lakip na ang mga sibilyan, gideklarar ang NPA nga persona non grata sa kagamhanan sa Negros Oriental.

Niadtong Marso 12, 2019, gipasar sa Provincial Peace and Order Council (PPOC) sa Negros Oriental ang resolusyon nga himuon sila nga persona non grata sanglit nasuta sa mga opisyal nga ang mga binuhatan sa NPA maoy nakapatagam sa mga business investors  ug nakapa-discourage sa mga potential investors sa ilang probinsiya. (/DILT)(BANATNEWS)

RED ALERT STATUS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with