Lima sikop sa drug raid

CEBU, Philippines – Lima ka tawo ang nasikop lakip na niini ang tigmentinar og drug den diha sa Barangay Duljo Fatima niadtong Miyerkules sa hapon.

Ang nasikop mao sila si Reynaldo Cabellon,  tigmentinar sa drug den nga nailhan lang nga “Michael ug mga bisita niini nga sila si Erwin Cabigon, Geronimo Soronio, Lenlen Espinosa ug Desphy De Leon, parehong mga hingkod ang panuigon.

Matud ni Leia Albiar, tigpamaba sa Philippine Drug Enforcement Agency (PDEA)-7 nga gi-monitor sa ilang team ang maong drug den una pa sila nipahigayon og operasyon.

Nasakmit gikan sa mga dinakpan ang 12 gramos nga ginadiling drugas nga mobalor ngadto  sa P82 mil base sa Dangerous Drug Board value, kagamitan sa pagsuyop ug P1,200 nga gituohang halin sa ginadiling drugas. (/BDB)(BANAT NEWS)