Trabaho sa Leotek susihon sa CCTO

CEBU, Philippines — Karong umaabot Mayo, ang Cebu City Transportation Office (CCTO) mosusi sa gihimong trabaho sa Leotek, usa ka Taiwan-based firm alang sa implementasyon sa intelligent traffic system sa laing tulo ka intersection sa siyudad.

Giasoy ni CCTO operations chief Francisco Ouano nga maong evaluation mao ang himuong basihan ni Mayor Tomas Osmeña nga angay bang iimplementar sa sa tibuok siyudad ang smart traffic system.

“After sa election (2019 mditerm polls), anha na nato mahibaw-an if iimplement ba siya sa entire city. Nakita man nato initially nga efficient sila, so mao to niingon si mayor nga we need to study more,” matud ni Ouano.

Sa miaging semana, ang Office of the Mayor ug CCTO mihatag og pagtugot sa Leotek i-monitor ang sitwasyon sa trapiko sa tulo ka busy intersections pinaagi sa pagbutang og closed-circuit television (CCTV) cameras ug ubang traffic equipment sa may Gen. Chavez St. corner Gen. Maxilom Ave., Gen. Maxilom Ave. corner A. Soriano Ave. ug Osmeña Blvd.

Mitugot si Mayor Osmeña sa Leotek nga palapdan niini ang ilang coverage sap ag-implementar sa intelligent traffic system aron masuta ang ka-epektibo niini.

Sa miaging tuig, ang kagamhanan sa siyudad mikuha sa serbisyo sa Leotek alang sa pagsulbad sa trapiko sa siyudad diin ang una nilang gibutangan og smart traffic system mao ang intersection sa Gen. Maxilom Ave. ug M.J Cuenco Ave. nga walay gasto ang siyudad.

Matud ni Ouano nga ang traffic scheme sa Leotek nga walay enforcer nga mamadlong, epektibo. Gani pinaagi sa CCTV cameras masuta dayon kadtong mga traffic violators.

Nasayran nga ang expansion service sa Leotek gihatag nga libre sama sa miaging kasabutan.

“Ang ilaha lang, atong i-publicize unsa ka effective ang ilahang traffic system kay kita sa government dila ta magduha-duha mopalit kung ikaayo sa atoa,” matud ni Ouano.

Dugang niini nga ang intelligent traffic system sa Leotek makatabang sa grabeng problema sa trapiko sa dakbayan.  (gikan sa The FREEMAN/DILT)