aug No Helmet ordinance sa Danao
Romeo T. Limpangog (Banat) - February 25, 2019 - 12:00am

CEBU, Philippines — Higpit karon nga gipatuman sa kapolisan sa Dakbayan sa Danao ang  curfew ordinance.

Si PSupt. Maribel Getigan, hepe sa Danao City  Police Station miingon nga ang iyang mga sakop nga magpatrolya uban ang mga barangay tanod maoy mohipos sa mga menor de edad nga masigpatan nga nagsuroy-suroy  bisan lapas  na sa alas 10 sa gabii ug walay kauban nga hamtong.

Basi sa ordinansa, dad-on ang masikop nga menor de edad sa barangay hall diin atimanon kini sa mga sakop sa City Social Welfare lakip na ang paghatag og pahimangno sa nahimo nilang kalapasan.

Matud sa hepe nga ilang ipatawag ang mga ginikanan ug ilang ipaubos sa seminar ug pahinumduman sa ilang kaakuhan sa ilang mga anak.

Gipatuman usab sa kagamhanan sa Danao nga “No Helmet Policy” diin pangdakpon ang mga nagmotorsiklo nga molabay sa kadalanan sa maong dakbayan nga wala magsul-ob og helmet. (Romeo T. Limpangog)

6 ka motorista sikop sa checkpoint

Nasikop sa mga sakop sa kapolisan sa Presinto 1 sa Mandaue City  Police Office (MCPO)  ang unom ka motorista nga nakuhaan og gituohang shabu sa gihimong checkpoint subay na sa ilang pakigtambayayong sa Commission on Elections (Comelec).

Si PO3 Jayson Flores miingon nga ang ilang hepe nga si PCIns. Aldrin Villacampa maoy nangulo sa checkpoint sa may A. Soriano Avenue sa Brgy. Centro nga nagsugod sa alas 10 sa miaging gabii.

Giila ni PO3 Flores ang mga nadakpan nga sila si Raymond Noyna,  taga Tabogon, Felixberto Toamondo, taga Cordova, Franklin  Balgo, taga Aloguinsan, Edcel  Sensil,taga Basak, Lapu-Lapu City, Johnlord Seloso ug Canderick Torejano nga mga taga Pusok, Lapu-Lapu City.

Nakuha gikan sa mga dinakpan ang tagsa ka gagmayng pakete sa gituohang shabu, drug paraphernalia ug usa ka kalibre 45 nga adunay mga bala.

Nadakpan usab sa buybust operation sa Brgy. Tipolo si Reynaldo Rico nga taga Sto. Niño, Brgy. Guizo, Mandaue City.

Nasakmitan ang dinakpan og upat ka gagmayng pakete sa gidudahang shabu  ug P300 nga  buybust  money.

Samtang pasado alas siete sa buntag kagahapon, ang kapolisan sa Dakbayan sa Danao mihimo usba og buybust operation sa Brgy. Taytay diin matud ni SPO3 Rene Almagro, tulo ang ilang nasikop.

Giila niini ang mga nadakpan nga sila si Malbago Vicente Lumantad, Norman Banzon  Pantoja ug Roly Prieto. Sila nakuhaan og duha ka medium size nga putos sa gituohang shabu, unom ka gagmayng putos, P600 nga  gituohang halin ug  buybust money. (/DILT) (BANATNEWS)

CURFEW
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with