Mga politiko gihangyo nga dili mag-epal sa graduation–Monisit
Gabriel C. Bonjoc (Banat) - February 22, 2019 - 12:00am

CEBU, Philippines — Niawhag nang daan ang pangulo sa Department of Education (DepEd) Talisay City Division ngadto sa mga politiko nga unta ang mga graduation exercises nga ipahigayon dili kini pahimuslan aron makabintaha sa tinguha nila sa politika.

 

Si Dr. Arden Monisit nagkanayon nga wala sila’y guidelines nga nadawat gikan sa ilang taas nga buhatan apan iyaha na lang giunhan aron usab ang iyang mga sakop makapangandam nang daan.

Sa iyang nasinati, dili gyud kalikayan nga maapil sa bisita ang mga politiko ilabina mao kini ang kasamtangan nga naglingkod apan hangyuon lang kini nga ang iyang presensiya magtutok lang sa kalihukan sa graduation ug dili mao ang iyang tinguha sa pagpapili karong piniliay sa buwan sa Mayo.

Gibutyag ni Monisit nga mopahigayon siya og tigom tali sa mga magtutudlo aron hisgutan ang kabahin sa ilang buhaton sa mga “epal” nga politiko.

Gipahimangnoan na usab niya ang mga magtutudlo nga adunay labanan nga politiko nga unta maglikay una karong panahona tungod kay gidili sa ilang lagda ang pagpakita og dapig sa politiko.

Sa nasayran, gipahimangnoan na ang mga magtutudlo sa pag-imbitar sa mga politiko sa mga graduation rites apan nagpaabot pa usab sila sa kamanduan gikan sa taas nga buhatan.  BDB (BANAT NEWS)

DEPED
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with