Reluya misusi sa kalambuan sa iyang kaso
Camille L. Pateres (Banat) - February 20, 2019 - 12:00am

CEBU, Philippines – Daku og pagtuo ang kapolisan nga daku og matabang ang pagbutang og reward money sa informant nga makatudlo sa nahimutangan sa gipangtumbok nga suspek sa Reluya ambush case.

Kagahapon, perso-nal nga mibisita si San Fernando Mayor Lakambini “Neneth” Reluya sa buhatan sa Police Regional Office-7 diin gipresenta sa Special Investigation Task Group-Reluya ang kalambuan sa imbestigasyon.

Gibutyag ni PRO-7 director PCSupt. Debold Sinas nga sa pagkakaron wala pay gitagana nga reward money ang mayor.

“I can say that it will help with the development of the investigation, kay naa man gyud nga hina-hina ug loob ang ma-encourage motingog because of the money,” si Sinas nagkanayon.

Atol sa kapin usa ka oras nga pakighinabi sa kapolisan sa mayor, giingong nagsubo pa kini sa kamatayon sa iyang bana nga si Ricardo ‘Nonoy’ Reluya, kinsa usa sa nakalas atol sa maong pagpamanhig.

Nunot niini, mihangyo ang mayor nga hatagan gihapon siya og police security apan mosubay gihapon kini sa mandato sa Department of Interior Local Government diin tag duha ra ka uniformed personnel ang mobantay sa matag kandidato sa midterm election. Giawhag gihapon siya ni Sinas nga moduso og exemption ngadto sa Comelec aron mahatagan siya og dugang police escorts. Samtang gipasakaan na og kasong murder silang Jerome Labitad ug Felix Abacajan Jr., ang duha sa upat ka mga mamumuno nga giingong positibong gitumbok sa mga survivor sa krimen. Makig-istorya sab si Sinas nilang Engr. Ruben Feliciano ug sa campaign manager niini nga si Niel Enriquez nunot sa giingong mga pasumbingay nila sa social media.

Tambag ni Sinas nga mohilom na lang sila sanglit kon adunay mahitabo sa mayor, hayan sila gyud ang mapasanginlan. Sa gipresentar sa SITG-Reluya kaniadto, silang Feliciano ug Enriquez maoy posibleng nalambigit sa krimen sanglit sila maoy gitumbok sa mayor nga adunay motibo gumikan sa away politika. Butang nga gihimakak ni Feliciano dihang personal kining miadto sa buhatan sa Cebu Provincial Police Office aron mohatag sa iyang pamahayag subay sa pasangil. (/DILT)(BANAT NEWS)

 

RELUYA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with