Turismo wa maapektohi sa travel advisory
Rowena D. Capistrano (Banat) - February 20, 2019 - 12:00am

CEBU, Philippines – Pabiling kusug ang turismo sa dakbayan sa Sugbo bisan pa sa gipagawas nga travel advisory sa United Kingdom diin mipasidaan sa mga Briton nga magbantay sa ilang seguridad sa pagbisita sa mga dapit sa Sugbo tungod sa hulga sa terorismo ug seguridad.

Si Department of Tourism-7 Regional Director Shalimar Hofer Tamano, nibutyag nga bisan sa travel advisory wala maibani ang mga turista nga nibisita sa Sugbo.

Sa tuig 2018 adunay 10 ka bag-ong international inaugural flights diin walo niini gikan China.

Dugang pa ni Tamano, sukad Enero, ang Sugbo adunay 590 ka mga international flights matag semana ug 1, 496 ka mga domestic flights matag semana gihapon. Lakip usab nga mikusug ang mga biyahe sa inter-island.

Gibutyag ni Tamano, niabot ngadto sa 8,099,346 ang ihap sa mga turista nga niabot sa Central Visayas sa tuig 2018 foreign and domestic.

Anaa usab sa 3,634, 295 ka mga foreign tourist ang niabot diin kadaghanan niini niagi sa Sugbu una nibisita sa lain lugar sa Rehiyon 7 ug 4, 465,051 usab sa domestic tourist.

Nag-una gihapon ang South Korea sa adunay pinakadaghan nga mobisita sa Rehiyon 7, gisundan sa China, Japan, Estados Unidos , Taiwan, Australia ug UK.

Gitug-an ni Tamano, kung dili pa siguro mohatag ug advisory ang UK Government mas daghan pa unta mga gikan sa nasud niini ang mobisita sa Sugbo apan wala kini nakaapektar sa turismo.

Nag-una nga top ten tourist destination sa domestic mao ang Cebu City, Dumaguete City, Lapu-Lapu City, Panglao Bohol, ug Tagbilaran City, Samtang sa mga langyaw nag-una nilang suroyanan mao ang Lapu-Lapu City, Cebu City, Panglao, Cordova, Mandaue City ug uban pa.

Si Tamano nitug-an ang matag langyaw nga turista sa Sugbo mogasto ug dul-an sa 7mil matag adlaw ug dul-an sa 1,500 usab ang mga lokal nga turista.

Gitug-an sa rehiyonal nga director sa DOT nga hugot ang ilang pakig-alayon sa kapulisan, military ug mga stakeholders alang sa pagpahugot sa seguridad nga ang Central Visayas luwas mobisita ang mga langyaw ug lokal nga turista.

Malaumon si Tamano nga mas daghan o molambo pa ang turismo sa Sugbo sa tuig 2019. (/LPM)(BANAT NEWS)

TURISMO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with