Mayweather moaway kalima, apan Pacquiao wa'y labot
CEBU, Philippines — Dunay upat o lima ka away nga nakalinya ni Floyd Mayweather Jr. karong tuiga, apan wa'y bisan usa niini batok ni Manny Pacquiao.
Segun sa taho sa TMZ Sports, si Mayweather mokatkat og balik sa ring karong Hulyo sa usa ka exhibition bout batok sa wala pa hinganli nga Hapong boksidor didto sa Japan.
Sa kinatibuk-an, ang 42-anyos nga si Mayweather mokabkab og $80 million sa serye sa mga away nga naka-iskedyul alang kaniya nga iya na sab giyuonan.
Kun ugaling final na ang tanan, hayan nga hanap pa's diyes panas nga mahinayon ang rematch nilang Pacquiao.
Ang Pinoy ring star dugay nang mipadayag sa iyang kaandam nga makigbinukbukay og balik ni Mayweather, apan ang naulahi wa'y kisaw kabahin niini.
Wala pa sa'y klaro kun mobalik ba gyud og away si Pacquiao karong Mayo segun sa iyang plano kay daan na man siyang mipahibawo nga mas maayo pang mopahuway na lang una siya sa boksing kun ugaling dili si Mayweather maoy sunod niyang makontra.
- Latest
