Mga karneng baboy gikan sa Japan gipa-banned
CEBU, Philippines – Gipa-banned na sa Pilipinas ang pagsulod sa mga karneng baboy nga gikan sa Japan gumikan kini sa Classical Swine Fever sa maong nasud.
Matud ni Department of Agriculture Secretary Emmanuel "Manny" Piñol sa iyang mensahe nga gi- post sa iyang facebook page nga iyaha nang gialerto ang Bureau of Animal Industry (BAI) pinaagi ni Undersecretary for Policy and Planning Segfredo Serrano alang sa pag-ban sa karneng baboy ug ubang produkto niini nga gikan sa maong nasud.
Matud pa ni Piñol nga moluwat siya og written formal directive kabahin sa maong pag-banned ug kasamtangan ang mga quarantine official padayon nga nag-validate sa maong report ngadto sa World Animal Health Organization.
"In view of this, all quarantine officers in ports of entry all over the country are directed to implement this directive immediately”, matud ni Piñol.
Dugang ni Piñol nga ang mga quarantine officer gimanduan na usab sa pag-review sa ilahang quarantine protocols lakip na ang pagbutang og foot baths sa mga ports of entry ug sa pag-monitor sa tanang meat products nga gidala sa mga turista dinhi sa nasud. (/BDB)(BANAT NEWS)
- Latest
