Mga kandidato sa Talisay mipirma og kasabutan
Gabriel C. Bonjoc (Banat) - February 13, 2019 - 12:00am

CEBU, Philippines – Kumpleto ang mga kandidato nga magpapili sa Dakbayan sa Talisay karong Mayo atol sa gihimong peace covenant signing kagahapon sa buntag sa simbahan ni Sta. Teresa de Avila.

Ang maong kalihukan gihimo sa kapolisan uban ang Commission on Elections aron mapahinumduman ang mga kandidato nga angay imentenar ang kahapsay ug kalinaw atol sa piniliay. Si Atty. Gallardo Escobar, election officer sa Talisay mipahimangno sa mga politiko nga dili magpataka og butang sa ilang mga campaign materials.

Iya sab gihangyo ang tanan nga sila maoy mopahinumdum sa ilang mga dumadapig nga dili magpasulabi sa ilang gibati ug dili maoy magmugna og kagubot.

Si Mayor Eduardo Gullas nga magpapili pagka kongresista miingon nga kahapsay ug kalinaw mao sab ang iyang gusto. Ang iyang kaatbang nga si Pastor Paypa mibutyag nga bisan pa og walay peace covenant makapasalig siya nga malinawon ang tanan sa iyang pagka kandidato.

Mao sab kini ang pamahayag ni kanhi mayor Johnny V. delos Reyes kinsa magpapili na usab pagka mayor. Si kongresista Gerald Anthony “Samsam” Gullas kinsa modagan pagka mayor mitataw nga sila mipirma sa kasabutan ug siya mipasalig sa maong katuyuan.

Samtang si kanhi bise mayor Romeo Villarante mitataw nga sila sa iyang grupo mipasalig sa samang katuyuan sama sa ubang mga nanglabay nga eleksyon nga mituman gyud sa lagda. Apan siya nanghinaut nga unta ang vote buying matagad sa mga tinugyanan aron makab-ot ang patas nga piniliay. (/DILT)(BANAT NEWS)

 

KASABUTAN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with