Tomas Osmeña ug laing lima cleared sa Ombudsman
Decemay P. Padilla (Banat) - February 13, 2019 - 12:00am

CEBU, Philippines – Gumikan sa kakuwang sa probable cause, ang Office of the Ombudsman-Visayas mi-dismissed sa kaso batok nila ni Cebu City Mayor Tomas Osmeña ug pito ka mga opisyal labot sa issuance sa city-owned ambulance ngadto sa private individual.

Ang ubang respondents sa maong kaso mao sila si Konsehal Mary Ann de los Santos, Eugenio Gabuya Jr., Sisinio Andales, Jerry Guardo, Sambag 1 Barangay Captain Aileen Guardo, pangulo sa Department of General Services Ronaldo Malacora ug kanhi pangulo sa Cebu City Disaster Risk Reduction Management Office Nagiel Bañacia.

Kahinumduman nga niadtong April 12, 2017 si kanhi Sambag 1 Barangay Captain Lemar Alcover misang-at og reklamong kriminal gumikan sa Malversation of Public Funds or Property sa Revised Penal Code ug Anti-Graft and Corrupt Practices Act.

Mipasaka sa maong mga reklamo si Alcover human kini mi-alegar nga ang city-owned vehicles nga giisyu ngadto kang Aileen nga civilian pa niadtong higayona. Kini nagtuo nga ang ambulansiya angayang ihatag sa barangay sanglit government property man kini.

Sa reklamo sab ni Alcover kini miingon ang issuance sa ambulansiya giingong reward ni Aileen sa pakig-alyansa niini sa Bando Osmeña Pundok Kauswagan (BOPK) nga alang niya ilegal ug dili kini sakto.

Niadtong April 4, 2017 sila si Andales, Jerry, Gabuya, ug de los Santos mi-turn over sa ambulansiya in-behalf ni Osmeña.

Sa counter affidavit sa mayor, kini miingon nga ang paghatag og ambulansiya subay na sa Barangay Disaster Control Center nga naumol pinaagi sa Executive Order No. 005. Naumol ang BDCC ubos sa supervision sa CCDRRMO nga gipangulohan ni Bañacia, nga maoy naghatag og pagtugot nga gamiton ang emergency equipment.

Adtong tungura, si Aileen mao ang pangulo sa Barangay Mayor’s Office sa Sambag 1, satellite office ni Osmeña sa mga barangay nga ang kapitan dili niya kaalyado.

Sa joint-affidavit sa upat ka konsehal, sila mipasabot nga ang issuance sa ambulansiya subay na sa programa sa mayor nga nagtinguha sa pagresponde sa tanang medical emergencies nga naglangkub sa hospital care ug patient transport.

Subay sa dismissal sa kaso, mapasalamaton si Andales ug Aileen sa Ombudsman nga midesisyon pabor nila. (/DILT)(BANAT NEWS)

GRAFT OMBUDSMAN TOMAS OSMEñA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with