Duha patay sa bangga ug hit and run
Camille Pateres (Banat) - February 12, 2019 - 12:00am

CEBU, Philippines — Duha ka mga motorista patay human nabanggaan sa managlahing lugar sa Lungsod sa Liloan ug Dakbayan sa Naga niadtong Domingo sa kaadlawon.

Ala 1:40 sa kaadlawon nahitabo ang bangga didto sa highway sa Purok Chicos, Sitio Lourdes, Barangay Poblacion sa Liloan diin usa ka Casiano Tolo Malagar, 70, ang nabanggaan.

Samtang ang nakabangga kaniya mao si George Vergel Heramiz, 25, nagpuyo sa Barangay Jubay sa maong lungsod.

Sa imbestigasyon, giingong nagmaneho sa iyang Kawasaki fury nga motorsiklo ang biktima paingon sa habagatang bahin samtang sa pikas lane si Heramiz.

Ug sa dihang misuway og overtake sa usa ka delivery truck si Heramiz, nabanggan niini si Malagar. Gidala ang duha sa Liloan Municipal Health Center apan gideklarar nga dead on arrival si Malagar ni Dr. Goldeemer Rosario Lutao.

Samtang gidagan sa Vicente Sotto Memorial Medical Center ang suspek ug didto na kini gidakop. Patay sab sa hit and run ang drayber sa usa ka motorsiklo dihang nabanggaan sa wala mailhing motorista  samtang nagsubay sa nasudnong dalan sa Barangay Poblacion, sa Dakbayan sa Naga niadtong Domingo sa ala 2:40 sa kaadlawon.

Giila sa kapolisan ang nakalas nga si Philip Gonzales Abarquez, 35, taga Dakbayan sa Carcar. Aduna usab ni siyay angkas nga 17 anyos nga lalaki nga luwas ra ang kahimtang.

Sumala pa sa traffic investigator sa Naga City Police station nga si Police Officer 2 Neil Villaceran gikan sa Dakbayan sa Talisay paingon pauli sa Carcar ang duha.

Apan pag-abot sa maong lugar nabanggaan sila og usa ka motorsiklo nga nisutoy ra sab og dagan pagkahuman mabangga.

Matud pa nga nunot sa kakalit sa panghitabo, wala na manawngi sa survivor ang suspek ingon man ang gisakyan niining motorsiklo.

Gidala ang duha sa Cebu South General Hospital apan pagkabuntag niana alas 7:05, nabugtoan sa kinabuhi si Abarquez kinsa nakaangkon og kadaot sa ulo kay wa magsuot og helmet.

“Wala sila nag-helmet. Kung nag-helmet pa to sila, di unta magrabehan,” sigun ni Villaceran.  (BANAT NEWS)

HIT AND RUN
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with