Si City Engineer Santiago Saducas Calinawan Jr., taga Barangay Liburon sa maong siyudad gisikop niadtong Enero 9 ning tuiga human nalutsan og warrant of arrest sa kalapasan sa section 3 (e) sa Republic Act 3019 o Anti-Graft and Corrupt Practices Act nga giluwatan ni Honorable Judge Estefanio Libutan Jr. sa Regional Trial Court (RTC) sa San Carlos City, Negros Occidental branch 57.
File
City engineer gidakop
Gabriel Bonjoc (Banat) - February 12, 2019 - 12:00am

CEBU, Philippines — Gidakop ang City Engineer sa Siyudad sa Carcar human siya wala mohatag og fencing permit sa pamilya nga nagpasaka og kaso sa usa sa mga konsehal sa ilang dakbayan.

Si City Engineer Santiago Saducas Calinawan Jr., taga Barangay Liburon sa maong siyudad gisikop niadtong Enero 9 ning tuiga human nalutsan og warrant of arrest sa kalapasan sa section 3 (e) sa Republic Act 3019 o Anti-Graft and Corrupt Practices Act nga giluwatan ni Honorable Judge Estefanio Libutan Jr. sa Regional Trial Court (RTC) sa San Carlos City, Negros Occidental branch 57.

Gipasakaan si Calinawan og kaso ni Alejandra Aleonar gumikan sa wala pag isyu niini og fencing permit sa iyang yuta bisan nakompleto na kini sa mga rekisitos.

Una niini, si Aleonar nialegar nga nilapas nalang ang 15 ka adlaw apan wala gyud siya matagaan og permit ni Calinawan.

Apan ang naulahi niingon nga dili siya makahatag og permit sa mga Aleonar tungod kay aduna kini pending nga kaso sumala pa sa gisulti ni Konsehal Harold Nacua apan dihang gipangitaan og dokumento nga supak si Nacua sa ilang aplikasyon wala kini makahatag.

Matud ni Alvin Aleonar (anak ni Alejandra) nga walay basehan si Calinawan pagpugong sa aplikasyon sa fencing permit sa iyang inahan tungod kay ang kaso nga iyang gipasaka ni Nacua walay kalabutan niini.

Si Alvin nipasaka og kaso ni Nacua ug sa iyang igsuon nga malicious mischief apan walay labot si Calinawan.

Busa nakaingon si Aleonar nga dili makatarunganon ang gibuhat ni Calinawan nga nihatag hinuon og certification ngadto sa mga Nacua nga sila nikoral sa ilang luna nga wala pa nikuha sa maong permit.

Karon nga kompleto na sila sa rekisitos wala pa gyud mikihol si Calinawan sa ilang aplikasyon nga nilapas na sa 15 ka adlaw.

Si Calinawan sa iyang bahin niingon nga ang aplikasyon ni Aleonar wala pa gyud maabot sa iyang lamesa. Kini gumikan usab sa kadaghan niya og gitrabaho sa ilang opisina.

Siya nagkanayon nga tinuod nga gikasohan sa mga Aleonar si Nacua apan ang ugat sa ilang bangi mao man ang pagkoral sa driveway sa konsehal.

Asoy pa ni Calinawan nga nagbuhat lang gyud siya sa iyang trabaho apan aduna’y mga tawo nga dili makauyon. “Na sandwich lang gyud ko ani. Politika ra gihapon ang hinungdan aning tanan,” matud pa ni Calinawan. Nakapiyansa ra dayon si Calinawan human siya gisikop. (BANAT NEWS)

SANTIAGO SADUCAS CALINAWAN JR
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with