Matud pa ni Senior Superintendent Royina Garma, direktor sa Cebu City Police Office (CCPO) nga sa tanang mga nakauban ni Abad atol sa party niadtong Enero 19 ang uyab na lang niini ang wala makig-alayon sa imbestigasyon nga gihimo sa kapolisan.
Clydyl Avila
Uyab ni Abad pasakaan og kasong indirect contempt–Sinas
Rowena D. Capistrano (Banat) - February 12, 2019 - 12:00am

CEBU, Philippines — Kagahapon adlaw’ng Lunes ang gihatag nga tagal sa uyab ni Ashley Abad nga mopatim-aw ug mohatag sa iyang pamahayag sa kapolisan kabahin sa kamatayon ni Abad kinsa giingong namatay tungod sa overdose sa drugas.

Matud pa ni Senior Superintendent Royina Garma, direktor sa Cebu City Police Office (CCPO) nga sa tanang mga nakauban ni Abad atol sa party niadtong Enero 19 ang uyab na lang niini ang wala makig-alayon sa imbestigasyon nga gihimo sa kapolisan.

Sa nilabay pa nga semana gipadala nila ang imbitasyon diin nipatim-aw na ang mga higala ni Abad ug ang mga doktor apan ang uyab niini ang bugtong wala mopatim-aw.

Matud usab ni Garma nga kutob lang kagahapon ang ilang tagal nga gihatag sa maong uyab ni Abad ug mopahigayon na sila og aksiyon batok sa maong batan-on.

Gitug-an ni Garma nga nagkahinabi na usab sila ni Presidente Rodrigo Duterte kalabutan sa panghitabo ni Abad ug aduna siya’y kamanduan sa pagtutok sa maong kaso.

Samtang ang regional director sa Police Regional Office 7 (PRO)-7 Chief Superintendent Debold Sinas nibutyag nga mo-request sila sa buhatan ni Philippine National Police (PNP) Chief Oscar Albayalde nga moluwat og subpoena batok sa uyab ni Abad kong padayon gihapon kining magmagahi pagpatim-aw diha sa CCPO sa imbitasyon niini alang sa mga pangutana.

Dugang ni Sinas nga kong sa luwatan ni Albayalde nga subpoena dili gihapon mopatim-aw ang uyab ni Abad mopasaka na sila og kasong indirect contempt batok niini ngadto sa korte. (BANAT NEWS)

OVERDOSE SA DRUGAS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with