Si Medina nagkanayon nga dili hinuon kuyanap ang party drugs susama sa shabu sanglit mga kwartahan ra ang makapalit niini ug mamalit lang sila kon adunay party.
File
Mga club nga namaligya og ecstasy lisud ipasira?
Le Phyllis F. Antojado, Camille L. Pateres (Banat) - February 12, 2019 - 12:00am

CEBU, Philippines — Mga club nga gikatahong namaligya og mga party drugs giingong lisud ipasira matud pa sa hepe sa Regional Intelligence Division-7 Senior Superintendent Remus Medina.

Gibutyag ni Medina nga aduna sila’y mga pangalan sa mga bar nga ilang gibantayan human sila nakakuha og impormasiyon nga giingong namaligya og mga party drugs ngadto sa ilang mga customer.

Ang kapolisan giingong aduna na usab kini gihuptang party drug matrix sa mga tinubdan ug distributor og party drugs sa rehiyon base kini sa mga una na nilang mga nadakpan tungod sa maong matang nga drugas.

Si Medina nagkanayon nga dili hinuon kuyanap ang party drugs susama sa shabu sanglit mga kwartahan ra ang makapalit niini ug mamalit lang sila kon adunay party.

Sa laing bahin, giawhag sa mga opisyal sa Probinsiya sa Sugbo ang kapolisan nga hingusgan ang kampaniya batok sa ilegal nga drugas dili lang sa shabu apil na ang ubang matang sama sa ecstasy.

Si Bokal Earl Tidy Oyas, chairman sa committee on dangerous drugs sa provincial board nagplano nga mopalabang og resolution alang sa paghingusog nga kampaniya batok sa ecstasy.

Sa iyang bahin, si Gobernador Hilario Davide III nagkanayon nga wala siya masurpresa kalabot sa presensiya sa ecstasy sa Sugbo.

Matud ni Davide nga dili kini malikayan hilabina sa mga highly urbanized nga lugar sama sa Metro Cebu ug iyang giawhag ang kapolisan nga madali ang pagsikop sa mga supplier og ecstasy. (BANAT NEWS)

PARTY DRUGS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with