Mga alas 5:30 sa hapon, nadakpan si Artdel Fernandez human siya nakuhaan og pito ka linukot nga marijuana. Nabantayan kini sa kapolisan nga nagmaneho sa iyang motorsiklo sa Sitio Salvador, Brgy. Tanke. Apan sa dihang iyang nakita ang mga polis, nagdali-dali kini og U-turn hangtud nga nasukarap.
File
16 ka durugista sikop sa Talisay ug Lapu-Lapu
Romeo T. Limpangog, Gabriel C. Bonjoc (Banat) - February 12, 2019 - 12:00am

CEBU, Philippines — Miabot sa onse ka mga durugista ang nasikop sud lang sa usa ka adlaw sa nagkalainlaing barangay sa Dakbayan sa Talisay sa miaging adlaw.

Unang nasikop mao sila si Michael Rene Amancia ug Engilboy Aldiano dihang mipahigayon og foot patrol ang kapolisan sa Sitio Bahala, Brgy. Lagtang. Ilang namatikdan ang makadudang lihok sa duha hinungdan nga sila gisita ug nakuhaan gyud og pito ka gagmayng pakete sa ginadiling drugas.

Mga alas 5:30 sa hapon, nadakpan si Artdel Fernandez human siya nakuhaan og pito ka linukot nga marijuana. Nabantayan kini sa kapolisan nga nagmaneho sa iyang motorsiklo sa Sitio Salvador, Brgy. Tanke. Apan sa dihang iyang nakita ang mga polis, nagdali-dali kini og U-turn hangtud nga nasukarap.

Gidagan sa mga polis si Fernandez ug girikisa ug nakuhaan kini og marijuana.

Ang mga sakop sa Regional Mobile Force Batallion (RMFB) mihimo og operasyon dihang nakadawat og tawag labot sa ilegal nga kalihukan sa Sitio Sawsawan, Brgy. Tanke mga alas 7:30 sa gabii.

Nagmalampuson kini human ilang nasikop si Nonilito Tapic nga anaa sa usa ka drug den. Lakip nga nasikop sila si Marie Balingit, Erwin Janoras, Gregorio Albora III, Rolando Bendanillo, Ronie Diabelos, Ryan Seares ug Alejandro Cabardo Jr.

Ang mga dinakpan nakuhaan og 37 ka pakete sa ilegal nga drugas nga mikantidad og P81, 600.

Sa Dakbayan sa Lapu-Lapu, lima sab ka mga gikatahapang drug pusher ang nadakpan sa managlahing takna ug dapit atol sa gihimong buy bust operation.

Ang hepe sa Presinto 3 sa LCPO nga si PCIns. Wyne Magbanua miila sa ilang nadakpan nga mao sila si Fritzie Rubi nga taga Purok Thunder sa Brgy. Kalawisan; Simuon Palang ug Dean Mark Lutero nga usa ka traysikad drayber.

Nasakmit gikan kanila ang 11 ka gagmay’ng pakete sa gituohang shabu ug P300  nga buy bust money.

Pagka pasado alas 11 sa miaging gabii sa Zone Litob, Brgy. Kalawisan, nasikop si Benjie Berdon kinsa nakuhaan og pito ka gagmay’ng pakete sa gidudahang shabu, P300 nga buy-bust money ug drug parapahernalia.

Sa gipahigayong buy-bust operation sa Presinto 4 alas 10  pasado sa miaging gabii sa Sitio Ibabao, Brgy Agus, nadakpan si  Rexon Cañete nga usa ka guwardiya ug taga Brgy. Basak.

Matud ni PCIns. Juan Capacio, hepe sa Presinto 4 nga ilang nasakmit gikan sa dinakpan ang 15 ka gagmay’ng pakete sa gituohang shabu ug P300 nga marked money.

Ang mga dinakpan nagtingkagol na karon sa bilangguan. (BANAT NEWS)

ILLEGAL NA DROGA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with