Nasikop didto sa Punta Princesa si Jimmyboy Eltagonde Tabares, 25, ug Gaodioso Ampo-on Tabares, 48, nga puro residente sa San Carlos Heights, Barangay Quiot. Gisunod pagdakop sila si Benedict Sadorra Codezar, 29, ug si John Cabatoan, 29, nga pulos sab residente sa Sitio Lantawan, Barangay Quiot.
File
Dul-an P200,000 balor sa drugas nasakmit
Nichole Alexis A. Abas (Banat) - January 24, 2019 - 12:00am

CEBU, Philippines – Mokabat ngadto sa P190,400 nga balor sa illegal nga drugas ang nasakmit sa mga kapolisan sa Barangay Punta Princesa ug Barangay Tisa human sa gipahigayung buy-bust operation niadtong Martes sa gabii.

Nasikop didto sa Punta Princesa si Jimmyboy Eltagonde Tabares, 25,  ug Gaodioso Ampo-on Tabares, 48, nga puro residente sa San Carlos Heights, Barangay Quiot. Gisunod pagdakop sila si Benedict Sadorra Codezar, 29, ug si John Cabatoan, 29, nga pulos sab residente sa Sitio Lantawan, Barangay Quiot.

Ang maong operasyon gipanguluhan ni Police Chief Inspector Keith Allen Andaya, Hepe sa Punta Prinsesa Police Station ug mga kaubanan.

Sa laing operasyon, nadakpan si Patrick James Ragasajo Decoriza, 21, ug si Kenneth Pateña, 21, nga residente sa Tisa.

Si Police Chief Inspector Andaya ang nag pangu gihapon sa kapolisan sa maong lugar. Gawas sa mga drugas ang uban sa mga nadakpan nakuhaan usab og illegal nga armas.

Ang unom ka giingon suspetsado natanggong karun sa Police Community Precinct, Outpost Punta Police Station, ug moatubang sa kasong kalapasan sa Section 5 ug Section 11 sa Article II sa R.A. 9165 ug Comelec Gun Ban in relation to RA 10591.

Sa laing bahin, duha ang nasikop didto sa Sitio Rotonda, Barangay Cogon sa lungsod sa Compostela tungod gihapon sa paghupot og illegal nga drugas.

Si Senior Police Officer 4  Marlon Yrog-Yrog sa Compostela Police Station miila sa ilang nadakpan nga mao si Ian  Navarro  Del  campo,  30, ug Emily  Monares Roixas, 32.

Dihang gihimo pa ang pagrikisa sa ilang kalawasan maoy ilang nakuha ang pito pa ka gagmay nga paketeng shabu ug mga drug paraphernalias.

Ang duha ka mga dinakpan kasamtangan karong gitanggong sa sulod sa ilang detention cell samtang ang mga ebidensiya ilang gisumiter sa kapolisan ngadto sa  PNP Crime  Laboratory  7. -Romeo  T. Limpangog (BANAT NEWS)

 

DRUGS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with