Pinusilay sa Sambag 1 tungod sa negosyo?
Camille L. Pateres (Banat) - January 24, 2019 - 12:00am

CEBU, Philippines – Away sa negosyo sa sakyanan ang laing motibo nga gitutokan karon sa kapolisan sa kasong pinusilay nga nahitabo sa Brgy. Sambag 1, Dakbayan sa Sugbo niadtong Lunes sayo sa buntag.

Adunay impormasyon nga nadawat ang kapolisan nga nagkabingkil og samot ang suod nga managhigala nga silang Shaun Bacaltos ug Vanzant Navales gumikan sa pagka-alkanse ni Vanzant sa gibaligya nga sakyanan sa mga Bacaltos niya.

Ang duha ka pamilya pulos nagnegosyo og buy and sell nga mga sakyanan.

Gibutyag sa hepe sa Abellana Police Station nga si PCIns. Edward Sanchez nga usa kini sa ilang gisubay karon. Iya usab gitataw nga layo ra ang anggulo nga love triangle sa maong kaso nunot sa kadugayon na niini. Apan wala gihapon nila kini bakwia nga maoy posibleng motibo sa krimen.

“Kung love triangle almost five years ago na to. Nahitabo siguro mga one year lang, maka move-on na ang lalaki,” sigon ni Sanchez.

Samtang mitahan na ang igsuon ni Vanzant nga si Vincent Navales, kinsa lakip sa maong krimen.

Si Vincent mitahan sa ilang paryenteng polis mga si PO3 Rommel Patalinghug, kinsa nadestino sa 2nd Provincial Mobile Force Company nga nagbase sa Brgy. Don Andres Soriano (DAS), Toledo City. Giturn-over dayon kini sa Abellana Police Station.

Kasamtangang gi-hospital arrest si Vincent gumikan sa naangkon niining samad pinusilan sa iyang tiil.

Kahinumduman nga gawas nilang Shaun ug Vanzant, patay sab ang amahan ni Shaun nga si Edwin.

Sa imbestigasyon mitumaw nga misulong ang managsuong Navales uban sa tulo nila ka mga higala sa panimalay sa mga Bacaltos ug didto nagkakumprontasi silang Edwin ug Vanzant. Miresulta kini sa pinusilay sa duha ka habig.

Gidakop sa kapolisan ang igsuon ni Shaun nga si Michael Vincent human miangkon nga siya maoy mitiwas og pusil kang Vanzant.

Samtang, kasong murder ang atubangon ni Vincent uban sa tulo nila ka mga higala nga uban niadtong higayona. (/DILT)(BANAT NEWS)

 

NEGOSYO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with