Matud ni Atty. Dominador Cimafranca ang acting director sa NBI Central Visayas moumol sila og investigating team nga maoy mohimo og pakisusi sa pagpatay sa kontrobersyal nga piskal.
File
NBI mo-imbestigar sa castro ambush
Le Phyllis Antojado (Banat) - January 19, 2019 - 12:00am

CEBU, Philippines — Mohimo og parallel investigation ang National Bureau of Investigation (NBI-7) kalabot sa pagpatay kang Piskal Mary Ann Castro niadtong Miyerkules sa gabii samtang ang kapolisan maghimo usab og susamang imbestigasyon.

Matud ni Atty. Dominador Cimafranca ang acting director sa NBI Central Visayas moumol sila og investigating team nga maoy mohimo og pakisusi sa pagpatay sa kontrobersyal nga piskal.

“Naay directive ni DOJ Secretary nga mo-conduct og investigation. Then we will conduct parallel investigation on the case,” matud ni Cimafranca.

Matud ni Cimafranca nga mamahimo usab nga moduol ang pamilya sa abogada ngadto sa ilang buhatan aron pormal mosang-at og reklamo.

Sa usa ka pamahayag, si IBP-Cebu City President Mundlyn Misal gikondenar nila ang nahitabo.

“This act, seems to be a norm in Cebu is unjust, disrespectful and inhumane. Justice cannot be attained by another act of injustice. Killing another person is not the resolution of a problem. Never can it be and never will it be,” matud ni Misal.

“This strong-willed lady, not afraid to speak her mind, is one of the respected lady lawyers in Cebu. She is also a good friend to many. She is simply one of the few who makes women in this profession significant and beautiful,” paghulagway ni Misal kang Castro.

Ang IBP nanawagan sa kapolisan nga tan-awon ang tanang anggulo sa pagpatay kang Castro ug mapriso ang tinuod nga mamumuno.

Ang pagbanhig kang Castro diha sa dalan Escario, Barangay Kamputhaw, Dakbayan sa Sugbo nahitabo taliwala sa Comelec gun ban ug sa mga gipatumang police checkpoints.

Ang kapolisan nag-umol na og Special Investigation Task Group aron tutokan ang maong kaso sigun sa direktor sa Cebu City Police Office nga si Senior Supt. Royina Garma.

Ang SITG abagan sa Criminal Investigation and Detective Group-7 (CIDG7) ubos sa superbisyon ni Police Senior Supt. Anghelito  Dumangeng, Deputy Regional Director for Operations sa Police Regional Office-7.

Samtang matud pa sa hepe sa Abellana Police Station nga si Police Senior Inspector Eduard Sanchez base sa ilang impormasyon sakay sa usa ka motorsiklo ang nag-inusarang mamumuno.

Si Castro, 50, gikan nanihapon kuyog ang mga higala sa usa ka restaurant sa usa ka mall ug padung na pauli luwan sa iyang yellow nga Nissan Juke ug dihang na-traffic gitaparan dayon kini ug gipusil lima ka higayon.

Ang maong hitabo nakuhaan og video sa dashcam sa usa ka sakyanan nga gi-post sa social media.  Nakapadagan pa og pipila ka metros si Castro apan nabangga kini sa kasugat nga Tamaraw FX ayha pa nalahos sa koral sa usa ka construction site sa dapit. Lima ka mga samad pinusilan ang nahiagoman sa biktima samtang lima sab ka mga kabhang sa kalibre .45 ang napalgan sa nahitaboan.

Dugang pa sa maong hepe nga posibleng gisundan ang maong piskal gikan pa lang sa restaurant nga iyang gikan-an.

Gisubay karon sa mga imbestigador ang mga closed circuit television (CCTV) sa lugar gikan-an ni Castro aron masuta kun kinsa ang mga kataposang nakauban niini.                

Daghang anggulo

Trabaho isip prosekyutor; personal tungod sa daghang kontrobersiya nga gikalambigitan niini; ug ilegal nga drugas human giingong na-link kini sa napatay usab sa NBI-7 ug PRO-7 Regional Special Operations Group nga si Senior Police Officer 1 Adonis Dumpit didto sa Bohol niadtong Hunyo 27, 2018.

Niadtong March 2016, mipasaka og reklamo ngadto sa Ombudsman si Castro sa pito ka mga operatiba sa Regional Intelligence Division sa Police Regional Office-7.

Human nga gipasanginlan ni Castro ang maong mga polis nga maoy nagtago ni Maricel Gregory nga kapuyo sa iyang kanhi bana nga si Greco Sanchez.

Busy sa sinulog?

Niadtong Enero 13 pa gisugdan ang election gun ban ug giisa sa heightened alert status ang kapolisan sa dakbayan alang sa kasaulogan sa Sinulog 2019.

Apan, nahitabo gihapon ang pagpamanhig.

Apan matud ni Garma bisan pa man sa kahugot sa ilang seguridad lisud pugngan ang kriminal  nga aduna gyuy plantsadong plano.

“Ikaw kung alam mo sa sarili mo na may nasagasaan ka o may nakaaway ka mag-ingat ka sa sarili mo baka balikan. Ingat lang gyud,” sigun sa maong direktor.

Matud sab ni Sanchez nga gihingusgan gihapon nila ang election gun ban taliwa sa ka busy sa seguridad alang sa Sinulog.

Samtang mipadayag og kasubo si kanhi Board Member Grezilda “Gigi” Sanchez-Saballero nga nakakinihaay sa namatay nga piskal.

“I am shocked and saddened by what happened to Fiscal Mary Ann Castro.

Nobody deserves to die like that. I offer my sincere condolences to her bereaved family especially her children. It is true that we had disagreements that resulted in the filing of several cases against each other.

However, her marriage with my brother was annulled which put to rest issues regarding her claim over my family’s properties. 

For over a year, coinciding with her transfer to Masbate, nothing had been heard from either of us.  As far as I was concerned, everything was okay.  Whatever issues we had against each other were brought before the courts because we believe in the judicial processes and rule of law.

I sincerely hope her family finds justice,” matud pang Sanchez.

Si Castro nahimong Cebu City Prosecutor sulod sa 18 ka tuig ug mi-resign niadtong Abril 2017 human siya kaduha masuspenso. (Camille Pateres ug Rowena Capistrano/IBM)(BANATNEWS)

 

DEAD
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with