COMELEC mopahigayun og mock election sa Sabado

CEBU, Philippines – Ang Commission on Elections-Cebu City mopahigayon og mock election karong Sabado isip pagpangandam sa umaabot nga 2019 midterm election.

Si North District Election Officer Atty. Marchel Sarno miingon ang tumong sa mock election mao ang pag-ila sa mga technical glitches sa pag-operate sa bag-ong technology nga mo-verify kun ang tawo nga naa sa master list registered voter ba.

“Ang purpose nato if mo-work ba ang atong machine, naa man gud tay gamiton nga before ka mo-vote, ibutang nimo imong thumbnail sa tablet until mo-identify makita imohang nawong, usa mo-vote”, matod ni Sarno.

Kini miasoy ang Probinsiya sa Sugbo lakip sa pilot area sa maong teknolohiya isip pagpangandam sa sunod nga eleksiyon.

Maong dunay tulo ka area sa Probinsiya nga mopahigayon sab og susamang mock election.

“Yes, gi-pilot pa na nila, before i-apply sa whole Philippines by next election, tan-awon og maayo og performance, maayo og effect. It happens nga ang Cebu Province usa sa pilot area”, dugang ni Sarno.

Sa mock election duha ka barangay sa siyudad sa Sugbo ang pahigayunan, kini naglangkob sa Mabolo ug Lusaran, kada barangay 100 voters ang mosalmot sa mock election.

“Ang gapili sa barangay is ang Manila, sila ang napili sa una nga nag-conduct og mock election pud. Mabolo usa sa dako nga barangay ang Lusaran farthest barangay, so mao gyud na”, asoy ni Atty. Sarno.

Ang Kapitan sa maong mga barangay ang mopili kun kinsay apil sa mock elections nga anha ipahigayon sa Mabolo Elementary School ug Lusaran Elementary School.

“Ga-mock transmission last month if ma-transmit ba ang data sa Manila. Duha ra ka machine ang gamiton for mock election. On the same day, mag-conduct ta og canvassing sad diha sa City Hall”, matod ni Sarno.

Sigon niini, mao ni ang naandan nga procedure sa Comelec aron pagsiguro nga ang tanan nahimutang ug nahan-ay alang sa May 2019 elections.- /LPM (BANAT NEWS)