Puy-anan sa mga contingents gisusi
CEBU, Philippines — Giatiman sa kagamhanan sa Siyudad sa Sugbo ang mga billeting schools kun asa mopuyo ang mga contingents sa Sinulog Grand Parade ilabi na kadtong mga out-of town karong Enero 20.
Ang mga billeting schools gilangkuban sa City Central School, Regino Mercado Elementary School, Abellana National School ug Labangon Elementary School.
Kagahapon sa buntag gibisita ni Konsehal Dave Tumulak, ang Sinulog Executive Committee chairman ang Regino Mercado Elementary School ug gihinabi niini ang principal sa maong tunghaan nga si Marianilva Hermosa.
Matud ni Tumulak ang City Health Department ug Department of Education nag-alayon sa pagtabang sa mga contingents nga moabot niining semanaha.
Ipakita nila nga pagkamaabi-abihon sa mga Sugbuanon pinaagi sa pagdawat ug pag-atiman kanila.
Hangyo sa konsehal sa komunidad nga duol sa billeting schools nga dawaton ug motabang sab sa mga bisita.
Sa Regino Mercardo Elementary School mopuyo ang Talisay City ug Liloy, Zamboanga del Norte.
Ang principal miingon nga giandam nila ang mga lawak saringan ug nihangyo sab sila og dugang portable toilet ug portable bath.
Nasayran nga duna silay gi-submit nga request alang sa unom ka Sabado nga make-up class isip tapak sa mga adlaw diin ang ilang klase mabalda. Hinoon wala pa kini maaprubahi sa ilang superintendent.
Samtang si Tumulak miingon nga adunay house rules nga gipagawas sa matag billeting schools.
“One, di sila magpataka og hugaw-hugaw sud sa atong eskwelahan, ampingan ang mga kabtangan sa atuang eskwlehan, ikatulo kinahanglan duna tay curfew at exactly 10 o’clock sa gabie kinahanglan makasulod na atong mga contingents except og dunay pagtugot sa ilahang head of contingent nga kuhaon pud na sa head of security nga maoy nay gitugutan sa paggawas…,” ni Tumulak pa. DILT, (BANAT NEWS)
- Latest
