Pagsulod sa illegal drugs karong Sinulog gibantayan – PDEA7
CEBU, Philippines — Subay sa kasaulogan sa Pista Senyor ang mga tinugyanan sa Philippine Drug Enforcement Agency 7 nipahugot na pagbantay sa mga terminal, pantalan ug sa Mactan Cebu International Airport sugod kagahapon sa buntag.
Kini aron pagpakgang sa mga tinguhang pagpalusot og ilegal nga drugas sa maong mga pwerto pasud sa Sugbu.
Unang gisusi ang North Bus Terminal sa Dakbayan sa Mandaue diin ang K9 Units nihimo sa paginspeksyon sa mga bagahe ug kargamento.
Ang NBT mao ang adtuon sa mga pasahero gikan sa amihanang bain sa Sugbo, Masbate, Negros island ug uban pa.
Ang inspeksyon aron sa pagpahugot sa kampanya batok niining mga drug traffickers nga nangagpas sa dakong demand sa ilegal nga drugas tungod sa Sinulog.
Wala pa hinuon silay nasakpang mga ilegal nga drugas nga gisuwayan pagpalusot dinhi sa Sugbo.
Apil sa gihigpitan ang pagisusi diha sa tugpahanan ang Terminal 2 ilabi na kadtong mga biyahe gikan sa China. (BANAT NEWS)
- Latest
