Eco-stations gibutang sa rota sa Sinulog
Decemay P. Padilla (Banat) - January 13, 2019 - 12:00am

CEBU, Philippines — Ang Cebu City Environmental and Natural Resources Office (CCENRO) niestablisar og eco-stations sa rota sa Sinulog lakip sa Plaza Sugbo ug Plaza Independencia. Tumong niini nga masiguro sa kalimpiyo sa siyudad atol sa kasaulogan sa Sinulog tungod kay daghan ang motambong niini.

Ang eco-stations ginama kini sa tent ug makita sa publiko ang upat ka garbage receptacles nga dunay label sa nagkalain-laing klase sa basura sama sa biodegradable, non-biodegradable, residual ug special waste.

Ang pangulo sa CCENRO Nida Cabrera nagkanayon nga kasagaran sa eco-stations nahimutang diha sa Osmeña Boulevard sanglit mao kini ang main street alang sa grand parade ug venue sa ubang kalihukan sa Sinulog. Mao kini ang ikaduhang tuig nga ang CCENRO niimplementar sa maong garbage disposal scheme aron pag-edukar sa publiko sa insaktong paglabay sa basura.

Ug aron pagsiguro human sa mga kalihukan sa Sinulog menus ang makita nga basura diha sa kadalanan ang kagamhanan sa siyudad moimplementar sa anti-littering ordinance.

Matud ni Cabrera nga ang Barangay Environmental Officers (BEOs) mobadlong sa mga molapas sa ordinansa sa first offense human niini moisyu na sila og citation tickets diin ang multa niini P500 ngadto sa P1,000 o mopahigayon og community service ang nakahimo og kalapasan.

Gibutyag ni Cabrera nga dunay 220 ka BEOs ang ipakatap diha sa nagkalain-laing dalan sa siyudad aron modakop sa mga malapason.

Gawas sa BEOs adunay 40 ka volunteers gikan sa Environmental Management Bureau (EMB)-7 nga motabang sa siyudad sa pagpatuman sa ordinansa. (/BDB)(BANATNEWS)

 

SINULOG
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with