Si Tocillo Debalucos Ababon kinsa nasikop sa kapolisan tungod sa giingong pagkalambigit niini sa ginadiling drugas ang paingon unta ngadto sa korte sa Lungsod sa Argao.
File
Usa ka drug suspect patay sa pagpamanhig
Camille L. Pateres (Banat) - January 10, 2019 - 12:00am

CEBU, Philippines – Patay ang usa ka drug suspect nga giingong tawo ni Franz Sabalones human banhigi sa tulo ka tawo nga nagsakay og motorsiklo ang gisakyan niining patrol car kagahapon sa buntag diha sa Barangay Bulasa, Lungsod sa Argao.

Si Tocillo Debalucos Ababon kinsa nasikop sa kapolisan tungod sa giingong pagkalambigit niini sa ginadiling drugas ang paingon unta ngadto sa korte sa Lungsod sa Argao.

Sila si Police Officer 3 Ruel Patalinghug ug Police Officer 3 Crescenciano Alajid  sa Provincial Police Intelligence Branch sa Cebu Provincial Police Office ang ni-escort kang Ababon niadtong higayona.

Matud sa hepe sa Argao Police Station Chief Inspector Jose Rovic Villarin nga dihang naabot sa maong nahisgutang lugar ang mga biktima  nga sakay ang patrol car kalit lang kining gipaulanan og mga bala.

Giingong sa likod ang kasagarang igo sa sakyanan hinungdan nga natahap ang kapolisan nga si Ababon maoy tumong sa mga kriminal.

"Basin nga kauban ra to niya nga gustong mo-rescue or possible ila na lang pahilumon kay nadakpan na man”, matud ni Villarin.

Si Ababon naigo kini sa likod nga bahin sa iyang lawas lakip si Patalinghug apan maayo na lang kay ang maong polis nagsul-ob kini og bullet proof vest hinungdan nga wala molahos ang bala sa lawas niini.

Ang mga tawo diha sa lugar giingong maoy nitaho sa kapolisan kabahin sa maong hitabo.

Ang mga polis sa Argao Police Station maoy nidala sa dinakpan ngadto sa tambalanan apan giingong gideklara kini sa doktor nga patay na nga naabot sa tambalanan.

Pipila ka mga basiyo sa bala sa kalibre .9mm ug kalibre .45 ang nakuha gikan sa lugar nga nahitaboan.

Mahinumduman nga si Ababon nadakpan sa buy-bust operation niadtong Disyembre 29 sa nilabay’ng tuig diha sa Sitio Bilibid, Barangay Casay sa maong lungsod.

Giingong nakuha gikan kang  Ababon ang 1.5 ka kilo nga shabu nga mobalor og P10.2 milyones. (/BDB)(BANAT NEWS)

DEAD
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with