Mga medical waste nanglutaw sa Barangay Ibo
Romeo T. Limpangog (Banat) - January 9, 2019 - 12:00am

CEBU, Philippines – Gitinguha karon sa kagamhanan sa Dakbayan sa Lapu-Lapu  ang pagpahigayon og pakisusi  kabahin sa mga basura nga naglutaw diha sa kadagatan nga sakop sa Barangay Ibo nga nakahatag og mga kabalaka sa mga lumolupyo sa lugar.

Si Mayor Paz Radaza buot niini nga ang duha ka tambalanan moesplika kabahin sa maong mga basura.

Ang maong pamahayag ni Radaza nitumaw human nga usa ka netizen nikuha og video ug hulagway sa mga syringe ug vials nga naglutaw diha sa kadagatan sa nahisgutang barangay niadtong Sabado.

Ang maong mga medical waste duna kini label sa mga pangalan sa duha ka inilang tambalanan.

Si City Legal Officer Ethelbert Ouano nagkanayon nga nipadala na sila og notice sa pagpaesplika sa nahisgutang duha ka hospital.

Matud ni Ouano nga human sa post diha sa facebook nipadala sila og sanitary inspectors nga mopahigayon og inventory sa maong hitabo.

Gawas sa mga vial, adunay mga yellow nga plastic bag nga dunay sulod nga mga tudlo sa tawo, mga adult diaper, intravenous tubes nga gamiton sa pagkonektar sa dextrose bag nga adunay mantsa sa dugo.

Ang kagamhanan sa siyudad moisyu kini og citation ticket ngadto sa maong mga tambalanan kong dili kini matagbaw sa ilang eksplinasyon.

Matud ni Ouano nga ang buhatan sa Environmental Management Bureau (EMB)-7 mopahigayon og imbestigasyon sa maong insidente.

Sa wala pa mahitabo ang maong insidente,  sa nilabay’ng tuig uban sa mga stakeholder ang kagamhanan sa siyudad aktibo kini sa paglimpiyo sa kabaybayonan sa siyudad.

Niadtong buwan sa Hunyo ang siyudad pinaagi sa Executive Order 2018-18 niumol sa Shoreline Intervention Department Task Force kinsa maoy gitahasan sa estriktong implementasyon sa environmental laws ug mga ordinansa sa siyudad.

Ang maong grupo gipangulohan ni Radaza ug city administrator Florito Pozon ug mga miyembro niini gilangkuban sa city planning officer, city engineer, tourism officer, city environmental officer, city health officer, city attorney ug city urban poor affairs.( /BDB)(BANAT NEWS)

 

BARANGAY IBO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with