Si Lieutenant Junior Grade Michael John Encina, CGD-CV spokesperson, nagkanayon nga naaberya ang maong barko duha ngadto sa tulo ka kilometro gikan sa baybayon sa South Road Properties sa siyudad.
Photo courtesy of Cokaliong Shipping
Barko gikan Dipolog naaberya, 585 pasahero luwas nakadunggo
May Miasco (Banat) - January 7, 2019 - 12:00am

CEBU, Philippines — Luwas ang tanang 585 nga pasahero sa MV Lady of Good Voyage nga nakasinati og engine trouble kagahapon samtang naglawig padulong sa Siyudad sa Sugbo, matod sa report sa Philippine Coast Guard District Central Visayas (CGD-CV).

Si Lieutenant Junior Grade Michael John Encina, CGD-CV spokesperson, nagkanayon nga naaberya ang maong barko duha ngadto sa tulo ka kilometro gikan sa baybayon sa South Road Properties sa siyudad.

Matod niya nga ang barko nga gikan sa Dipolog City, Zamboanga del Norte, maabot unta sa Pier 4 sa maong syudad sa sayong kabuntagon. Apan napagngan kini og makina ug naglutawlutaw na lang sa kadagatan sulod sa usa ka oras.

Si Encina miingon nga ang lokal nga opisina sa Coast Guard nakadawat sa distress call sa 7:30 a.m., ang usa sa mga pasahero mi-report nga ang barko nabalda tungod kay nakasinati og engine problem. Ang maong barko nakit-an nga naglutaw sa kadagatan nga dili layo sa SM Seaside City Cebu.

Human sa usa ka oras ang tug boat sa Golden Shipping Lines miguyod sa maong barko dunggo sa Pier 4 alas 9:15 a.m..

Matud ni Encina nga adunay 585 ka pasahero nga sakay ang maong barko nga adunay 46 ka crew uban ang captain niini nga si Danilo Rodriguez.

Ang MV Lady of Good Voyage gipanag-iya sa Medallion Transport Inc. nga nagbase sa siyudad sa Sugbo.

Ang Medallion Transport Inc. wala pa mohatag og statement apan gipaabot nga karong adlawa sila mohatag og katin-awan. (BANAT NEWS)

MV LADY OF GOOD VOYAGE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with