Loot nabalik na sa Daanbantayan
Lorraine Mitzi A. Ambrad (Banat) - January 6, 2019 - 12:00am

CEBU, Philippines — Human ang sobra sa usa ka bulan nga pagkawala nibalik na sa lokal nga kagamhanan sa Daanbantayan si Mayor Vicente Loot gikan sa iyang biyahe ngadto sa United States (US).

Niining pagbalik ni Loot gisentro niya ang paglambo sa lokal nga ekonomiya sa lungsod diin sa iyang ikaduhang tuig sa paglingkod isip mayor sa Daanbantayan nisaka og 30 porsyento ang nakolekta nilang buhis.

Nagpasabot kini nga niabot ngadto sa P30.6 milyones ang kita sa munisipyo diin one-third niini gikan sa mga tourism activities sa Malapascua.

Kini ang gipadayag ni Loot sa una niyang public appearance sa munisipyo atubangan sa mga business owners ug operators nga buot mo-renew sa ilang business permits.

Nunot niini, niadtong buwan sa Nobiyembre sa nilabay’ng tuig si Loot nipadala og sulat ngadto kang Gobernador Hilario Davide, III diin nananghid kini nga mo-leave tungod kay mobiyahe gawas sa  nasud aron bisitahon ang iyang igsuon ngadto sa US.

Si Loot gihatagan og pagtugot ni Davide nga mo-leave sulod sa 30 ka adlaw ug niadtong buwan sa Disyembre nananghid na usab kini nga molugway pa sa iyang bakasyon ug mabalik kini human sa pasko.

Sa laing bahin, sa nilabay’ng tuig si Loot nipadayag nga mo-lay low human siya hinganli ni Presidente Rodrigo Duterte nga usa ka narco-politician.

Niadtong buwan sa Mayo sa nilabay’ng tuig  si Loot uban sa iyang pamilya gisulayan kini og ambush ug giingong usa kini sa rason nga nakadesider siya nga dili na modagan sa eleksiyon karong tuiga.

Ang iyang step son nga si Sun Shimura maoy modagan isip mayor sa lungsod sa eleksiyon karong tuiga.

Si Loot ubos pa kini sa unang termino isip mayor samtang si Sun Shimura ubos na sa kataposang termino isip provincial board. (/BDB)(BANATNEWS)

 

DAANBANTAYAN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with