Palma misalig sa kabatan-onan
Rowena D. Capistrano (Banat) - January 3, 2019 - 12:00am

CEBU, Philippines — Pasalamat ug panghinaut maoy unod sa wali ni Cebu Archbishop Jose Palma atol sa iyang gisaulog nga misa alang sa pagsugat sa Bag-ong Tuig nga gihimo sa Cebu Metropolitan Cathedral.

Mapasalamaton ang arsobispo sa milabay nga tuig bisan sa mga pagsuway nga giatubang sa mga magtutuo.

Panghinaut ni Palma niining tuig 2019 nga magpabilin gihapon ang kalinaw sa nasud, sa banay ug sa katilingban.

Iyang gi-awhag ang mga kabatan-onan niining pagsaulog sa Year of the Youth nga gamiton nila ang ilang abilidad ug gasa sa pagtabang sa ilang isig ka batan-on ilabi na kadtong misubay sa dili maayo nga dalan.

Ang arsobispo mipadayag nga nasayod siya sa daghan mga hagit karon sa mga kabatan-onan apan siya maampuon nga magpabilin ang ilang kalig-on sa pagsalikway sa mga tentasyon ug gamiton ang ilang katakus alang sa kaayohan. (/DILT)(BANATNEWS)

 

PALMA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with