_banat
^

Biyahe sa kadagatan normal na, bagyong Usman walay kadaot

Rowena D. Capistrano (Banat) - December 30, 2018 - 12:00am

CEBU, Philippines —  Hingpit na nga gihatagan og pagtugot sa Cebu Coast Guard ang tanang mga sakayan sa dagat nga molawig kagahapon sa buntag human gilibkas sa Philippine Atmospheric Geophysical and Astronomical Services Administration (PAGASA) ang bagyo nga Usman.

Kini ang gitug-an ni Lieutenant Junior Grade Michael John Encina, tigpamaba sa PCG-7 nga nahinabi sa Banat News.

Matud ni Encina nga sukad kagahapon sa alas 8:00 sa buntag wala nay stranded nga mga pasahero ug barko tungod kay gihatagan naman nila kini og pagtugot nga makalawig.

Apan bisan pa og gilibkas na nila ang suspension sa mga biyahe pabilin gihapon ang ilang pagbantay ug pag-monitor sa kadagatan.

Gibutyag ni Encina nga aduna silay mga quick response team nga gipakatap aron dali makaresponde kong adunay mga emerhensiya nga motumaw.

Kagahapon daghan sa mga pasahero ang nagpunsisok diha sa mga pantalan sa tuyo nga makauli sa ilang tagsa-tagsa ka mga probinsiya aron makauban ang ilang mga pamilya sa pagsugat sa bag-ong tuig.

Sa laing bahin, walay kadaot nga natala sa amihanang bahin sa Sugbo diin maoy naagian sa bagyong Usman.

Matud sa Provincial Disaster Risk Reduction and Management Office (PDRRMO) walay natala nga pagbaha, pagdahili sa yuta o bisan natumba nga kahoy o poster sa amihanang bahin sa Sugbo ug sa Isla sa Camotes.

Matud ni Julius Regner, tigpamaba sa PDRRMO nga adunay gipabakwit nga mga pamilya apan nakabalik ra usab kagahapon sa buntag sa ilang mga pinuy-anan.

Adunay 187 ka indibidwal gikan sa 30 ka panimalay sa Barangay Taytayan sa Dakbayan sa Bogo ug Barangay Bakhawan sa Lungsod sa Daanbantayan ang nag-preemptive evacuation tungod kay anaa kini sa mga lugar nga delikado sa pagbaha ug pagdahili sa yuta. Apan tungod kay nihinay ang bagyong Usman ug gani nahimo na lang kini nga low pressure area (LPA) pag-abot niini sa Eastern Samar kagahapon wala kaayo kini epekto ngadto sa amihanan. -  Le Phyllis F. Antojado, BDB (BANATNEWS)

USMAN
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with