^

Giingon kabit gidunggab sa bana sa iyang karelasyon

Raymond D. Abarcas (Banat) - December 27, 2018 - 12:00am

CEBU, Philippines — Nalandig sa tambalanan ang giingong kabit human dunggaba sa bana sa babaye nga giingong iyang gikarelasyon kagahapon sa kadlawon diha sa Sitio Dakit, Barangay Awihao, Dakbayan sa Toledo.

Si Bethoven Cañete, 35-anyos, residente sa maong dapit ang nakaangkon og 16 ka samad dinunggaban sa iyang lawas human kini dunggaba ni Rafty Nes, 33-anyos residente usab sa lugar.

Si Senior Police Officer 1 Alfredo Barquin imbestigador sa Toledo City Police Station nagkanayon nga giingong nangangkon ang asawa ni Rafty nga taud-taod na silang nagbuwag.

Ang asawa ni Rafty nagduda nga aduna siya’y laing babaye hinungdan nga gibuwagan siya niini.

Apan si Rafty nibawos og pasangil sa iyang asawa nga maoy adunay laing lalaki.

Gipanid-an ni Rafty ang iyang asawa human siya nakadawat og mga taho nga giingong aduna kini laing lalaki. Kagahapon sa alas 2:00 sa kadlawon dihang nipauli na si Rafty naabtan niini sulod sa ilang panimalay nga nagdulog ang iyang asawa ug ang laing lalaki. Sa nakita ni Rafty niulbo ang kalagot niini hinungdan nga nikuha kini og kutsilyo ug giatngan niini ang biktima diha sa likod nga pultahan sa ilang balay.

Giingong paggawas sa biktima sa balay gihansakan kini ni Rafty sa kutsilyo diha sa nagkadaiyang parte sa lawas niini.

Ang biktima daling gidala sa usa sa mga tambalanan sa Dakbayan sa Sugbo samtang si Rafty boluntaryon kining nitahan sa iyang kaugalingon ngadto sa mga polis sa Dakbayan sa Toledo. —/BDB (BANATNEWS)

 

 

P48M shabu sakmit sa buy-bust

Rowean D. Capistrano

 

CEBU, Philippines — Mokabat ngadto sa P48 milyones ang kantidad sa ilegal nga drugas ang nasakmit sa duha ka buy-bust operation sa kapolisan sa Dakbayan sa Sugbo atol sa adlaw sa pasko.

Unang operasyon diha sa Sitio Cogon, Barangay Basak Pardo nasikop si Rejie “Boy” Abesia, 24, ulitawo ug walay trabaho, taga Dela Concepcion St. sa Barangay Pasil, Dakbayan sa Sugbo

Giingong nasakmit gikan kang Abesia ang 6.8 kilos nga shabu nga mobalor ngadto sa P46, 480, 000 base sa Dangerous Drug Board value ug buy-bust money.

Nangulo sa maong buy-bust operation si Chief Inspector Henrix Bancoleta sa San Nicolas Police Station ug Chief Inspector Regino Maramag sa Pardo Police Station.

Ikaduhang operasyon nahitabo  alas 7:20 sa gabii diha sa Sitio Tinggaan, Barangay San Nicolas Proper diin nasikop sila si Remelyn Cañedo alyas “Nalyn”, 33, dalaga, walay trabaho, taga Sitio Lawis, Barangay Pasil, subject sa buy-bust ug Michael Ceniza, 39, ulitawo, walay trabaho.

Nasakmit gikan sa mga dinakpan ang mga pinutos nga ginadili nga drugas nga motimbang ngadto sa 200 gramos ug mobalor tanan ngadto sa P1.3 milyon base sa DDB value ug boodle money.

Sa laing bahin, duha ka suspetsadong pusher ang nasikop atol usab sa pasko sa gipahigayong buy-bust operation sa kapolisan sa Barangay Jubay, Lungsod sa Liloan.

Ang mga nasikop mao sila si  Sifred  Mahinay, 33, taga Purok  Nangka ug Niño  Montejo, 27, taga Purok Manga sa Barangay Estaca, Lungsod  sa Compostela.

Matud pa ni Senior Police Officer 3 Jason Gayo nga nakadawat sila og mga taho kalabot sa giingong ilegal nga kalihukan sa mga suspetsado.

Nasakmit gikan sa mga suspetsado ang  lima ka gagmay nga paketeng shabu, P300 nga buy bust money  ug  ingon man  ang giluwanan nilang motorsiklo. —Romeo T. Limpangog/BDB (BANATNEWS)

KARELASYON
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with