P40M innovation center tukoron sa TESDA
CEBU, Philippines — Gipahigayon ang groundbreaking sa P40 milyones nga innovation center sa Visayas sa Technical Education and Skils Development Authority (TESDA).
Ang maong innovation center gi-conceptualize tungod sa nagsaka nga panginahanglan sa upgraded skills alang sa mga kabag-ohan nga teknolohiya.
Ang maong pasilidad mohatag kini og suporta sa TESDA training centers sa ilahang distinctive areas of competencies sa pag-implementar sa training programs ug pagpalambo sa kasamtangang mga programa niini.
Gipangulohan ni Secretary Isidro Lapeña, director general sa TESDA ang maong seremoniya.
Si Lapeña nagkanayon nga ang katuyoan sa maong pasilidad mao ang pag-innovate ug pag-upgrade.
Ang policy sa TESDA mao ang paghatag og training sa katawhan aron kini makatrabaho.
Matud ni Lapeña nga ang innovation center mapuslanon tungod kay kini ang pasilidad nga mo-cope up sa pag-usab sa panahon sa modernong pasilidad.
Gipasabot ni Lapeña nga kinahanglan nga ang katawhan mo-innovate kini tungod kay ang teknolohiya padayon nga nag-modernize aron dili mabiyaan.
Dugang niya nga sa panahon sa iyahang administrasyon dili lang kabahin sa training apan adunay trabaho pagkahuman.
Ang maong pasilidad adunay display area, practical work area ug lecture room, multipurpose hall, multimedia room, equipment room, two meeting rooms, cafeteria ug office space. (Joevelon G. Pinay/BDB)(BANATNEWS)
- Latest