Mga tanod ipakatap sa kadalanan sa ilang barangay
Decemay P. Padilla (Banat) - December 22, 2018 - 12:00am

CEBU, Philippines — Giawhag ang tanang barangay nga i-deploy ang ilang mga tanod aron pagtabang sa kapolisan pagbantay sa seguridad ilabi na diha sa mga jeep nga pasaheroan diin daghan ang mokalit lang og sakay ug manaygon subay niining nagkaduol nga kasaulogan sa pasko.

Si Konsehal Dave Tumulak, chairman sa committee on public order and safety nipahinumdom sa mga barangay tanod ug kapolisan nga magbinantayon kanunay niining bag-ong modus sa mga batan-on nga kunohay manaygon sulod sa PUJ dayon ingon nga mangayo og pinaskohan dala inisog ug pagpanghadlok diin malisang na hinuon ang mga pasahero.

Giawhag usab ni Tumulak ang mga tawo nga magmatngon ug dili magdala og alahas ug mogamit og cellphone sulod sa jeep nga pasaheroan aron paglikay sa mga panghitabo.

Matud ni Tumulak nga adunay ordinansa ang siyudad nga gidili ang paghatag og kwarta sa mga manaygonay diha sa mga jeep tungod kay matawag kini og pagpakilimos.

Dugang ni Tumulak nga kinahanglang badlongon sa mga tanod ug kapolisan nga gipakatap diha sa kadalanan ang ilang makit-an nga manaygonay. (/BDB)(BANATNEWS)

BARANGAY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with