CCMC nakadawat og hospital beds
Decemay P. Padilla (Banat) - December 18, 2018 - 12:00am

CEBU, Philippines – Daku og tabang sa Cebu City Medical Center (CCMC) ang mga hospital beds nga gi-donate sa Chinese Consul sa Cebu.

Mismo si Consul General Jia Li ang mitunol sa 110 ka mga hospital beds alang sa CCMC nga personal sab nga gidawat ni Mayor Tomas Osmeña.

Moabot sa dul-an tres milyones ang kantidad sa maong mga hospital beds kay tag P25 mil ang presyo sa matag usa niini.

Si CCMC hospital administrator Kenneth Siasar mihulagway nga daku kaayo kini og tabang sanglit sa kasamtangan wala silay budget sa ilang capital outlay ug nag-andam usab sila sa bag-ong building CCMC.

Tinguha nila nga ang maong dugang hospital beds magamit sa second quarter sunod tuig diin ila kining ibalhin sa bag-ong CCMC.

Nasayran sab nga gawas sa mga hospital beds, mihatag sab sila og lista sa mga ekipo ngadto sa Consul General sa China alang unya sa bag-ong CCMC building.

“So we’re asking operating room beds for 8 OR theaters and then OR lights for 8 OR theaters”, asoy ni Siasar.

Si Consul General Jia Li nga miasoy nga aduna silay maayong relasyon sa Cebu City government ug ang pag-donate nila og hospital beds mao ang unang hugna pa lang.

Siya midugang nga sunod tuig hayan mohatag pa sila og dugang ekipo.

Gani nagplano sila nga mo-donate og 25 ka wheelchairs ug kon buksan na unya ang bag-ong CCMC tinguha sab nila nga mo-donate og dugang mga ekipo.

Si Mayor Tomas Osmeña sa iyang bahin miangkon nga nagkinahanglan pa gyud og dugang medical equipment ang CCMC.

Asoy sab niini nga tinguha niya nga mahimong operational ang first three floors sa bag-ong CCMC sa dili pa ang piniliay sunod tuig. (/DILT)(BANAT NEWS)

 

CCMC
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with