Palma andam motubag kabahin sa isyu sa Patria

CEBU, Philippines – Si Archbishop Jose Palma sa Archdiocese of Cebu andam makigdiyalogo ug makigtagbo sa higayon nga adunay moduol kaniya aron tukion ang kabahin sa katukoran sa bag-o nga Patria de Cebu.

Matud ni Palma nga dili lang siya ang niuyon sa maong plano tungod kay adunay komitiba niini nga pulos mga Sugbuanon ug siya lang ang dili.

Ang maong grupo wala mopakita og pagsupak hangtud nga na-award ang maong proyekto.

Matud usab ni Palma nga sa dihang usa pa lang siya ka Obispo ngadto sa Leyte kanunay na siya nga magkatulgan sa Patria ug kong siya ang pagbut-on dili siya mopakatulog sa iyang mga bisita diha sa maong balay pahulayan tungod kay daghan na kaayo kini og guba ug dili na haom nga ayum-ayom lang kini.

Bisan og dugay na kaayo ang Patria apan wala kini marker nga nagpasabot nga usa kini ka historical nga lugar ug andam siya nga makig-atubang sa moduol kaniya aron tukion ang kabahin sa planong kaugmaran niini.

Si Palma nagkanayon nga mopasabot  siya sa iyang mga nasayran ilabi na sa panahon nga adunay kabag-ohan sa maong lugar.

Ang maong panahom ni Palma gipadayag niya kini human nga adunay daghang nanawagan nga salbahon ang Patria de Cebu tungod kay usa kini ka heritage ug gitukod kini sa kanhi mga kabatan-onan uban sa pag-ampo. (/BDB)(BANAT NEWS)