Kanhi polis representanti sa party-list

CEBU, Philippines – Ang paghatag og tabang alang sa kapolisan nga mapabilin ang kahapsay ug kalinaw sa palibot maoy tumong sa grupo sa lumad nga taga Dakbayan sa Carcar nga kanhi polis apan nabilanggo gumikan sa giingong inhustisya kaniadto.

Si Cesar Mancao, representanti sa grupong “MAY PAG-ASA” nisuroy sa Sugbo uban sa ilang grupong niboluntaryo aron makigtagbo ni Gobernador Hilario Davide, III kagahapon.

Matud ni Mancao nga ang ilang grupo hiniusa kini sa mga kanhi polis ug sundawo nga giingong nabiktima sa pamolitika.

Gibutyag ni Mancao nga sulod sa 17 katuig siya sa serbisyo isip polis apan nabilanggo tungod sa away sa politika. Si Mancao giingong gihatagan kini og tabang ni Presidente Rodrigo Duterte dihang niduol siya niini. (/BDB)(BANAT NEWS)