Babaye nga giingong skimmer dunay mga kaso
CEBU, Philippines – Ang suspetsadong ATM skimmer nga babaye nga nadakpan sa kapolisan sa Mandaue City Police Off ice (MCPO) diha sa usa ka mall giingong daghan na og nabiktima sa nagkalainlaing dapit sa Sugbo.
Nasayran sa kapolisan sa MCPO nga daghan kini og nabiktima sa maong matang nga modus operandi ug aduna na kini daghang mga kaso sa Dakbayan sa Iloilo, Dakbayan sa Bacolod ug Dumaguete hinungdan nga nianhi kini sa Sugbo,
Si Chief Inspector Mercy Villaro, tigpamaba sa MCPO nibutyag nga ilang nadawat karon ang upat ka warrant of arrest batok kang Junalyn De Pedro kinsa nihimakak sa mga pasangil batok kaniya.
Si De Pedro nag-atubang kini og mga kaso sa korte nga kalapasan sa Akta Republika 8484 kun “malicious mischief” ug “theft”.
Si De Pedro giingong nakabiktima usab kini og lima ka tawo nga naggikan sa Dakbayan sa Lapu-Lapu, Talisay ug Lungsod sa Minglanilla. (/BDB)(BANAT NEWS)
- Latest