Social workers gipangita sa DSWD
CEBU, Philippines — Taas ang demand sa mga social workers apan kuwang ang suplay niini.
Gibutyag ni Ardo Shalaine Marie Lucero, assistant regional director for operations sa Department of Social Welfare and Development sa rehiyon nga gamay ra ang interesadong mokuha sa kursong Social Work hinungdan nga nagkulang sila karon og social workers.
“We have so many non-government organizations nga gi-establish, maglisod sila og hire og social work and even get a licensed because of the limited number of our supply of social workers.” matud ni Lucero.
Daghan silag programa nga gipatuman nga nagtumong sa kalambuan sa mga kabus diin prayoridad nilang kuhaon kadtong nakahuman og kursong social work unta.
Gumikan kay kulang sa social worker adunay mga panahon nga ang posisyon dili na social worker ug himoon nila kining project development officer.
“They thought nga social work tabang sa mga tawo dali ra man na buhaton, it can be done by anyone, that’s true. But there is science in the things that we do,” dugang ni Lucero.
Lain nilang nasuta nga problema mao ang kakuwang sa mga magtutudlo alang niini kay kasagaran sa mga social workers, anaa man sa field.
Nasayran nga adunay upat ka tunghaan sa Sugbo nga nagtanyag og social work degree program, kini naglangkub sa University of Cebu, St. Theresa’s College, University of Southern Philippines – Foundation ug Mandaue City College.
Gumikan niini, nagpabiling hagit karon sa DSWD kun unsaon pagpakunhod sa kakabus sa nasud kay dili man igo ang social workers nga adunay katakus sa pagtrabaho niini. - Joevelon G. Pinay, USJ-R Intern, DILT (BANAT NEWS)
- Latest
