Suspetsado sa 'hit and run' sa Mabolo padayung gipangita
CEBU, Philippines — Padayon gihapon ang gihimong imbestigasyon sa mga sakop sa Mabolo Police Station 4 kabahin sa nahitabong 'hit and run' niadtong Domingo sa kadlawon diin nakabsan sa kinabuhi ang nadasmagan.
Si PO3 Venerando Bacalso, traffic investigator, miingon nga padayon sila sa pagpangtigom og mga CCTV footages para usab makuha nila ang gasunod sa maong SUV nga posibling makahatag nila ug plate number sa sakyanan sa suspetsado.
"Nag sige pa gyud mig pangita ug klaro nga CCTV footages para gyud maklaro ang plate number sa Montero sports nga gray. Pag-review namo sa mga cctv didto man gyud na nahitabo sa likod sa bangko, human pagbangga misutoy dayun pagdagan," matud pa ni Bacalso.
Base usab sa inisyal nga imbestigasyon sa Mabolo Police, nahitabo ang insidente sa alas 3:16 sa kadlawon ug ang biktima nga patay nang napalgan nga si Indira Alivio Paramel, 35, taga Barangay Poblacion Occidenal lungsod sa Consolacion, padulong unta mangumpra sa Carbon para sa iyang gamay nga karenderia apan kalit ug kusug nga mibangga ang maong SUV sa iyang gisakyan nga pampasaherong jeep. Pito ang naangol sa maong insidente nga atoa sa tambalanan.
Ang maong wa pa mailhing suspetsado kasohan og reckless imprudence resulting to damage to property, homicide ug multiple physical injuries. — Nichole Alexis A. Abas, USJR Intern, LPM (BANAT NEWS)
- Latest