Mga biktima sa sunog mapundo pa sa evacuation center
Decemay P. Padilla (Banat) - December 11, 2018 - 12:00am

CEBU, Philippines — Ang mga biktima sa sunog diha sa Purok 3, Barangay Kamputhaw, Dakbayan sa Sugbo posibleng madugay-dugay pa kini diha sa evacuation center tungod kay makigtagbo pa kanila ang Division for the Welfare of Urban Poor (DWUP). 

Kagahapon sa alas 6:00 sa gabii sa Barangay Kamputhaw gym nga maoy evacuation center gipahigayon ang meeting tali sa mga nasunogan.

Ang operations chief sa DWUP Genevieve Alcoseba nagkanayon nga usa sa ilang gituki sa meeting nga dili una pabalikon ang mga nasunogan.

Niadtong adlaw’ng Domingo uban ang Cebu City Disaster Risk Reduction Management Office (CCDRRMO) gibisita sa DWUP ang lugar nga nasunogan ug nakita nila nga usa sa problema sa dapit ang road right of way.

Gihulagway ni Alcoseba nga gamay kaayo ang pathways ug kini ang problema nga ilang nakita.

Posibleng irekomendar sa DWUP nga ipaubos sa ground zero ang dapit tungod kay adunay mga estraktura sa lugar nga magunitan lang mokalit lang og kahulpa.

Sa laing bahin, si kanhi special assistant to the president Christopher Lawrence “Bong” Go gawas sa mga relief assistance nga gidonar sa iyang mga supporter sa iyang pagbisita sa nilabay’ng semana nisaad kini nga mohatag og Christmas party ngadto sa mga biktima sa sunog sa nahisgutang lugar sa Disyembre 24.

Matud ni Go nga ang mga residente nawagtangan kini sa ilang mga kabtangan ug labing lisod kong dili sila makasaulog sa pasko.

Gibutyag ni Go nga nianhi siya sa Sugbo alang sa laing kalihukan ug gipahimuslan na lang usab niya kini samtang anaa sa pa siya sa Sugbo ang pag-atiman sa mga panginahanglanon sa mga biktima sa sunog.

Gawas sa mga relief goods nga gipanghatag ngadto sa mga biktima, gisaad usab ni Go ang pagpanghatag og mga school supply sa mga estudyante ug mga moskitero.

Si Go nagkanayon nga mo-coordinate siya sa nagkalain-laing ahensiya sa gobiyerno sama sa housing authority, PAGCOR, PCSO ug Department of Health alang sa tabang nga gikinahanglan sa mga biktima. (/BDB)(BANATNEWS)

 

 

SUNOG
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with