Tabo sa Kapitolyo gamay ra ang nangapil

CEBU, Philippines — Menus ang niapil karon sa Agri-Fishery Trade Fair kon Pasko sa Kapitolyo 2018: Tabo sa Kapitolyo nga nagsugod karong adlawa. Kini kon itandi sa susamang kalihukan atol sa founding anniversary sa probinsiya niadtong bulan sa Agosto karong tuiga.

Gibutyag ni Marya Zea Villaganas ang agri-business division officer nga 18 ka mga lungsod ug dakbayan ang nisalmot karon sa tabo kon itandi sa 42 niadtong Agosto.

Matud ni Villaganas nga gipaabot na daan nila nga mas gamay ra ang mosalmot karong bulana kay dili man panahon sa ting-ani. “Ang harvesting time mo-fall man sa August. Timing siya sa founding celebration. So ang mga LGUs daghan sila products nga ika-display” butyag ni Villaganas.

Ang tabo karon sa Kapitolyo gilauman nga ang kasagarang ipamaligya mao ang mga processed food, delicacies, ornamentals ug seafoods dugang pa ni Villaganas.

Dili usab daghan karon kay ang mga LGUs daghan ang giandam nga mga kalihukan sa ilang tagsatagsa ka lugar sa subay sa nagsingabot nga Pasko.

Aduna hinooy 22 gikan sa pribadong sektor ang nikumpirmar nga moapil sa us aka semana nga tabo nga molungtad hangtod sa Biyernes, Disyembre 14.

Dugag ni Villaganas nga aduna gihapoy indigay nga himoon sa maong tabo diin mopili sila og Best Booth ug Early Decorated Booth gikan sa mga miapil nga mga LGUs. (/DILT)(BANATNEWS)