Padayon ang scholarship grants—Angara
CEBU, Philippines — Gibutyag ni Senador Sonny Angara nga padayon ang pagpanghatag og scholarship grants ngadto sa mga estudyante sa pribadong tunghaan bisan og libre na ang tuition fee sa state universities ug colleges lakip sa mga lokal nga unibersidad ug colleges.
Matud ni Angara nga ang Senado padayon nga nagduso sa minimum nga P1billion fund alang sa pagtabang sa mga estudyante sa mga pribadong tunghaan.
Ang maong kantidad dili kaayo dako komparar sa "tens of billions of pesos" nga gigahin alang sa mga SUCs ug LUCs ubos sa 2019 national budget.
“I’m trying to convince my colleagues to increase that fund kasi hindi naman ma-absorb ng SUCs lahat ‘yan. It will be years before we are able to absorb these students”, matud ni Angara.
Si Angara nagkanayon nga ang paghatag og funding alang sa mga pribadong tunghaan pinaagi sa student scholarship programs usa kini ka pamaagi sa pagbalos sa institusyon nga naghatag usab og outstanding nga edukasyon ngadto sa mga estudyanteng Pilipino sa panahon nga wala pay funding ang gobiyerno.
"When the government had no funds, who raised our kids? Who prepared them to adulthood? It is the private schools and universities”, ni Angara pa.
Sa iyang sponsorship speech alang sa budget sa Commission on Higher Education nagkanayon si Angara nga ang gobiyerno mogasto og P46 bilyones alang sa implementasyon sa Free College Education Law sunod tuig ug mao na kini ang pinakadakong budget alang sa libreng edukasyon sa nasud.
Ang maong kantidad labaw og P6 bilyones kompara sa P40 bilyones nga budget sa tuig 2018. (/BDB)(BANATNEWS)
- Latest
