10 ka outstanding enforcer pilion

CEBU, Philippines — Ang Cebu City Transportation Office (CCTO) mopili og 10 ka outstanding nga traffic enforcer sa siyudad.

Ang Rotary Club of Cebu Port Centre maoy niduso sa ideya sa paghatag og pasidungog sa mga kugihan nga traffic enforcer nga nipatuman sa ilang trabaho. Nagsugod ang search for outstanding enforcers niadtong tuig 2016 human nakita sa CCTO nga importante nga ilhon ang kahago ug trabaho sa mga traffic  enforcer. Ang CCTO ug Rotary Club adunay criteria sa pagpili sa 10 outstanding traffic enforcers. Ang maong mga criteria gilangkuban sa “attendance” diin pasabot niini ang punctuality sa trabahante ug ang mga absent niini nasubay sa balaod sa Civil Service Commission (CSC); “number of quality of apprehensions” pasabot niini ang paagi sa pagpatuman sa traffic enforcer ang traffic rules sa ilang tagsa-tagsa ka area of responsibility; “ number of complaints related to work” pasabot nga gamay lang ang reklamo batok sa enforcer ug maayong relasyon sa kauban sa trabaho ug pagpakita og maayong kinaiya ug pagtahod sa kliyente.

Ang operations chief sa CCTO Francisco Ouano nagkanayon nga ang iyang buhatan ug ang Rotary Club of Cebu Port Centre maoy mopili sa mga kwalipikadong traffic enforcer. Base sa record ang CCTO adunay kapin sa 400 ka mga traffic enforcer. Ang mapili nga 10 outstanding traffic enforcer makadawat P10,000 cash ug patas-an ang ilang insurance. - BDB (BANAT NEWS)