Sa unang operasyon nahitabo sa may 13th Avenue, Barangay Tejero nangadakpan silang John Michael Burgas, 29, taga Sitio Kamagong, Barangay Lahug ug Bryan Antolihao, 34, taga Barangay Budlaan.
File
Tulo nakuhaa’g P5 milyong shabu
Rowena Capistrano, Romeo T. Limpangog (Banat) - December 7, 2018 - 12:00am

CEBU, Philippines — Tulo ka gidudahang tigpayuhot og ilegal nga drugas nakuhaan og P5.2 milyones kapin o kulang nga balor sa gituohang shabu sa mga sakop sa Waterfront Police Station atol sa ilang gipahigayon nga duha ka mga buy bust operations nga gipangulohan ni Police Senior Inspector Joemar Pomarehos, hepe sa maong buhatan.

Sa unang operasyon nahitabo sa may 13th Avenue, Barangay Tejero nangadakpan silang John Michael Burgas, 29, taga Sitio Kamagong, Barangay Lahug ug Bryan Antolihao, 34, taga Barangay Budlaan.

Matud pa nga napalitan ang duha sa mga polis og usa ka putos nga shabu gamit ang P500 nga boodle money ug human sa transaksyon dali silang gisikop.  Nasakmit gikan sa mga dinakpan ang drugas nga motimbang og 25 gramos nga mobalor og P3,245,000 base sa Dangerous Drug Board Value, pouch bag ug usa ka motor.

Samtang laing operasyon usab sa mao gihapong barangay ang gihimo diha sa MJ Cuenco Avenue nianang pagka-kaadlawon ug nadakpan si Johnny Boy Augusto alyas Jan-jan, 29, taga Sitio Mahusay, Barangay Subangdako sa Mandaue City kinsa mao ang subject sa maong operasyon. Nasakmit gikan kaniya ang mga pinutos nga gidudahang shabu nga motimbang og P175 gramos nga mobalor og P2, 065,000. Sa laing operasyon, nadakpan usab sa kapolisan sa Lapu-Lapu City Police Office ang tulo ka babaye ug usa ka lalaki tungod sa pagpamaligya og ilegal nga drugas diha sa Barangay Babag ug Barangay Punta Engaño.

Si Chief Inspector Jaime Tolentino sa CIB sa LLCPO nga maoy nangulo sa buy bust operation ang miila sa nadakpan sa Barangay Babag nga mao si Emma Toring, 38 .

Samtang sa Sitio Maxima, Barangay Punta Engaño  nadakpan sa mga sakop sa Presinto 2  gipangulohan ni Chief Inspector Wayne  Magbanua  sila si Magdalena Talingting Laguador, Marivic Wagwag Custora  alyas “Bikay, “ 42, ug ang usa ka  Berson Andales Sere, 31. Giingong si Custora naapil sa ilang drug watch list. -  IBM (BANAT NEWS)

ILLEGAL DRUGS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with