Si DOLE-7 regional director Atty. Johnson Cañete miingon nga ang 13th-month angay nga ihatag ngadto sa tanang rank-and-file nga mga empleyado bisan ug unsa pa ang ilang trabaho. Naglakip niini ang mga katabang sa panimalay.
File
13th–month pay ipahatag gyud
Decemay P. Padilla, Rowena D. Capistrano (Banat) - December 6, 2018 - 12:00am

CEBU, Philippines — Ang Department of Labor and Employment (DOLE)-7 subling mipahimangno sa mga kompaniya nga mohatag og 13th-month pay ngadto sa ilang mga empleyado sa dili pa ang Disyembre 24.

Si DOLE-7 regional director Atty. Johnson Cañete miingon nga ang 13th-month angay nga ihatag ngadto sa tanang rank-and-file nga mga empleyado bisan ug unsa pa ang ilang trabaho. Naglakip niini ang mga katabang sa panimalay.

Samtang ang konseho sa Siyudad sa Sugbo miaprubar sa ikalimang Supplemental Budget alang niining tuiga nga nagkantidad og P135 million niadtong Martes.

Sa maong approved additional budget, P8.6 million niini gitagana sa Program on Awards and Incentives for Service Excellence (PRAISE) incentives alang sa regular ug casual employees. Base sa record, ang City Hall adunay kapin singko mil ka mga empleyado, regular ug casual.

Sa guidelines nga giisyu sa Human Resources Development Office, P10 mil ang ihatag ngadto sa mga empleyado nga miabot og upat ka buwan sa serbisyo niadtong Oktubre 31. Kadtong wala, makapahimulos gihapon sa PRAISE incentive pinaagi sa percentage basis.

Kabahin sab sa approved budget ang year-end gratuity pay alang sa dul-an tres mil ka mga job order employees.

Si City Budget Officer Marietta Gumia dili pa makasulti kun kanus-a mahatag ngadto sa mga kawani sanglit milarga pa si Mayor Tomas Osmeña.

Samtang ang tanang regular ug casual employees makadawat og P5 mil subay na sa Productivity Enhancement Incentive (PEI). Kini human ang City Administrator’s Office mipagawas og memorandum sa guidelines sa issuance niini ngadto sa mga qualified City Hall workers.

Ang pagpagawas sa PEI inig human sa Disyembre 15 ug matud ni City Treasurer Veronica Morelos nga kuhaon ang budget niini gikan sa annual budget. – DILT (BANAT NEWS)

DOLE
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with