3 LTO agents nanghulidap
Le Phyllis Antojado (Banat) - November 30, 2018 - 12:00am

CEBU, Philippines – Tulo ka mga kawani sa Land Transportation Office-7 ang nadakpan sa entrapment operation nga gilusad sa mga sakop sa National Bureau of Investigation (NBI-Bohol) niadtong Nobyembre 28 karong tuiga.

Ang mga gidakop mao sila si Gaylord Tamarra Pacaña, Bernard Clarin Jamorol, Jose Christian Hembra ug Walter John Yncierto, pulos mga organic personnel sa LTO-Tagbilaran City Office nga gidestino didto sulod na sa unom ka bulan aron mopahigayon og operasyon batok sa mga kolorum nga mga sakyanan.

Apan nakadawat og reklamo ang director sa LTO-7 nga si Emmanuel Victor Caindec bahin sa mga pagpanghulidap sa iyang mga sakop didto hinungdan nga midangop siya sa NBI.

Usa ka tour operator nisumbong ngadto sa buhatan sa NBI-Bohol tungod sa giingong pagpanghulidap sa maong mga agents sa LTO.

Ang maong mga agents sa LTO nadakpan alas 4:20  sa hapon sulod sa Vest Grande Suites, Teachers Driver Cogon District, Tagbilaran City, Bohol.

Si Atty. Renan  Oliva hepe sa NBI-Bohol nagkanayon nga niadtong bulan sa Oktubre nakadawat siya og sulat gikan kang Caindec nga nangayo og tabang aron paghimo og imbestigasyon kalabot sa reklamo.

Sa complaint affidavit nga gisumiter sa NBI ngadto sa Office of the Prosecutor sa Tagbilaran City, niadtong Nobiyembre 28, usa ka Rosendo Magan Jr. nga nag drive og usa ka tourist van nga gipanag-iya ni Abraham Dante subay  sa Panglao Circumferential Road ang gipara sa checkpoint sa LTO-7 duol sa Eskaya Resort sa Tawala, Panglao.

Matud pa sa reklamante, gisakmit ang lisensya sa drayber ug gikuha ang rehistro sa van bisan pa man og kompleto sila sa papeles sa tourist van gikan sa LTFRB-7.

“In the Affidavit-Complaint of Dante, he alleged that LTO enforcers Pacaña and Bernard Jamorol along with other two LTO Enforcers later identified as Jose Christian Hembra and Walter Yncierto demanded ten thousand pesos (10,000)  from him in exchange of releasing the registration papers of his tourist van as well the driver’s license of Magan,” pagbasa sa affidavit sa NBI.

“At first nagtoo ko nga LTO deputized agent ang naghimo ana but it turned out nga dili mga deputized agents sa LTO but mga personnel gyud sa LTO-7 nga akong gi-assigned sa Bohol para pagdakop aning mga kolorum nga mga sakyanan. Pero mao lage na, nang hulidap na man hinoon,” matud ni Caindec.

Sumala pa niya, dili niya tugotan nga mosanay ang ingon niini nga binuang sa iyang mga sakop. Kinahanglan silang silotan subay sa balaod.

Kasong robbery extortion, kalapasan sa RA 3019 o ang Anti-Graft and Corrupt Practices Act ug kalapasan sa RA 6713 o ang Code of Conduct and Ethical Standards to Public Officials and Employees ang gipasaka batok sa tulo. (Mitchelle L. Palaubsanon/IBM)(BANAT NEWS)

NANGHULIDAP
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with