Phase 1 sa CCMC hapit na mahuman
CEBU, Philippines – Gitinguha nga sugdan sa sunod buwan ang construction sa phase 2 sa bag-ong building sa Cebu City Medical Center (CCMC).
Si Department of Engineering and Public Works (DEPW) assistant head engineer Nilo Igot nagkanayon nga ang contractor sa proyekto nga mao ang C.E Padilla hapit na mahuman sa phase 1 sa proyekto diin anaa na kini sa 91 porsyento nga kompleto.
Ang first phase naglangkub sa structural aspect sa kinatibuk-ang building ug ang phase 2 sa proyekto mao ang installation sa electrical wirings, communication tools ug uban pa nga gikinahanglan sa tambalanan.
Ang second phase sulod lang sa 150 working calendar days ipahuman og trabaho sa contractor niini.
Kahinumduman niadtong Nobiyembre 13 ang DEPW nahuman na sa program of works and estimates (POWE) sa second phase.
Nunot sa maong kalamboan si Igot malaumon nga ang unang tulo ka andana sa bag-ong building mahimong operational sa buwan sa Marso sunod tuig.
Sa unang andana ipahimutang ang parking, septage treatment plant, laundry area ug maintenance, sa ikaduhang andana anha ang emergency room ug departments apil na ang pedia, internal medicine, surgery, isolation room ug organ imaging.
Samtang ang ikatulong andana naglangkub kini sa out-patient department, dialysis department, hematology ug oncology department. -/BDB (BANAT NEWS)
- Latest