Mga siyudad ug MCCI nagtinabangay sa pagprotekta sa sapa
Romeo T. Limpangog (Banat) - November 25, 2018 - 12:00am

CEBU, Philippines —  Giila ang upat ka sapa nga nanukad sa kabukirang bahin sa Dakbayan sa Sugbo ug nagtadlas sa nagkadaiyang barangay sa Dakbayan sa Mandaue.

Ang maong mga sapa naglangkub sa Butuanon River sa Barangay Paknaan, Mahiga Creek sa Barangay Subangdaku, Subangdaku River ug Tipolo Creek sa Barangay Tipolo.

Sa nahisgutang mga sapa ang Butuanon River maoy nag-una  karon nga gipalambo sa kagamhanan sa Dakbayan sa Mandaue.

Si Mayor Luigi  Quisumbing nagkanayon nga nagpadayon na karon ang ilang mga tinguha sa pagpahiuli sa kahimtang sa Butuanon River ug giabagan usab kini sa mga sakop sa  kagamhanan sa Dakbayan sa Mandaue, Dakbayan sa Sugbo ug Mandaue Chamber of Commerce and Industry.

Matud ni Quisumbing nga sanglit ang labing taas nga pagtadlas sa Butuanon River anaa man sa Dakbayan  sa Mandaue ilang giangkon ang kaakuhan sa pagpanalipod ug pagpanglimpiyo sa sapa.

Nunot niini ang kagamhanan sa maong dakbayan ang nangulo sa pagpahiuli sa Butuanon River nga kasamtangan karon nga nagsilbing pilot area ang usa ka kilometro nga gitas-on nga nagtadlas sa Ibabao Estancia, Alang-Alang ug Paknaan ug ang baba niini paingon sa pagdagayday ang tubig ngadto sa Mactan Channel.

Si MCCI president Stanley Go kinsa usa sa mga aktibo sa pagpahiuli sa Butuanon River nagkanayon nga ang paghatag og mga pahimangno sa mga lumolupyo daplin  sa sapa pagdili og pataka og labay sa ilang mga basura usa sa mga pamaagi sa pagluwas sa kahimtang sa sapa. –BDB, (BANATNEWS)

PROJECT
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with