Si Chinese President Xi Jinping duha adlaw dinhi gidawat ni Presidente Rodrigo Duterte kagahapon sa hapon diha sa Malacañang.
File
Chinese leader nag state visit sa Pilipinas
(Banat) - November 21, 2018 - 12:00am

CEBU, Philippines — Sa labing unang higayon sulod sa nakalabay nga 13 ka tuig sukad nga nakalingkod isip presidente sa China, nakaduaw ang ilang presidente dinhi sa nasud.

Si Chinese President Xi Jinping duha adlaw dinhi gidawat ni Presidente Rodrigo Duterte kagahapon sa hapon diha sa Malacañang.

Gikan sa tugpahanan, midiretso  si Xi sa Rizal Park sa Manila aron paghalad og buwak sa Nasudnong Bayani nga si Dr. Jose Rizal ug pagkahuman gisunod dayon ang official welcome ceremony sa Kalayaan Grounds diha sa Malacañang.

Human sa pagpirma sa guest book gisugdan dayon ang expanded bilateral meeting  ug nagpagawas sa joint press statements ang duha ka nasud.

 Gipaabot nga apil sa gituki ang kabahin sa trade, ang mga gisaad nga imprastraktura sa China para sa Pilipinas, ug ang sensitibong isyu sa West Philippine Sea. (IBM)

Mosyon ni Garcia  gibasura sa Sandiganbayan

Gibasura sa Sandiganbayan ang tinguha ni Cebu 3rdDistrict Rep. Gwendolyn Garcia nga ibasura ang iyang kaso may labot sa Balili Property diin siya unang gikombikto sa kasong graft sa Ombudsman.

Wala dawata sa Sandiganbayan ang rason ni Garcia nga nalapas ang iyang katungod tungod sa pagkalangay pagresolba sa maong kaso.

Sumala pa sa mahistrado sa Sandiganbayan Special Second Division ang mosyon ni Garcia ug mga kauban sa kaso walay merito.

Si Garcia gikasohan sa dihang siya pay gobernador sa Sugbo tungod sa pagpalit sa 24.7 ektaryang Balili Property sa Dakbayan sa Naga niadtong tuig 2008.

Nahibaw-an sa mga imbestigador nga dakong bahin sa maong luna ang nalubog sa tubig. Niadtong Hunyo 2010 sa dihang siya ug ang ubang opisyales gikiha ug Hulyo 2012 gisaka ang kaso sa Sandiganbayan ug gi-arraign Marso 2013.

Si Garcia miingon nga lima ka tuig nalangay ang pagresolba sa kaso nga iyang gihulagway nga “inexcusable” ug “interminable delays” nga diin ang prosekusyon igo rang nakapresentar og lima sa 78 ka testigos.

Matud niya, kon ingon niani kalangan, maabtan og 30 ka tuig ang Ombudsman pagresolbar ang kaso. Apan ang prosekusyon miingon nga si Garcia maoy nagpalangay-langay sa kaso tungod sa daghang mosyon nga iyang giduso.

Ang Sandiganbayan sa gipagawas niining desisyon niadtong Nobiyembre 19, 2018 nga kagahapon lang gihatagan og kopya ang media, nagkanayon nga espekulasyon lang ni Garcia nga maabtan og 30 ka tuig ang pag-irog sa kaso ug dili kini mahimong basehan aron ibasura ang iyang kaso.

“There is no unreasonale lull in the movement of the cases. If there is any delay, the same may be reasonably attributed to the ordinary processes of justice,” sumala pa sa Sandiganbayan.

Nipirma sa desisyon si Associate Justice Lorifel Pahimna nga gidasonan nilang Associate Justices Oscar Herrera Jr. ug Efren de la Cruz.

Samtang silang Associate Justice Michael Frederick Musngi ug Geraldine Faith Econg nagtuo nga angay ibasura ang kaso kay nagtuo silang nalapas gyud ang katungod ni Garcia. Gikan sa Philstar, IBM, (BANAT NEWS)

RODRIGO DUTERTE XI JINPING
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with